یاریگا –
ئەمڕۆ لە یارییەكی دیكەی گەڕی 20ی پرێمەرلیگ كریستاڵ پاڵاس و چێڵسی رووبەرووی یەک دەبنەوە.
وا بڕیارە ئەمڕۆ كاتژمێر 18:00 بە كاتی كوردستان كریستاڵ پاڵاس لە یاریگای سەلهێرست پاركی تایبەت بە خۆی میوانداری چێڵسی دەكات، لە میانی یارییەكانی گەڕی 20ی پرێمەرلیگ.
پرۆفایلی یاری
سێ یارییە لەسەر یەک چێڵسیەكەی ئێنزۆ مارێسكا نەیتوانییوە بردنەوە بەدەستبهێنێت.
هەفتەی رابردوو بە دوو گۆڵی بێ وەڵام بەرامبەر ئیپسویچ تاون شكستیانهێنا.
چێڵسی لەم وەرزەدا 19 یاری كردووە و 10 یاریی براوە بووە پێنج یاریی یەكسان بووە و 4 یاریش دۆڕاوە.
بە كۆكردنەوەی 35 خال لە ریزبەندی چوارەمی پرێمەرلیگ دێن.
لە بەرامبەردا كریستاڵ پاڵاس لە 19 یارییدا چوار یاریی براوە بووە وهەشت یاریی یەكسان بووە وحەوت یاریش دۆڕاوە.
بە كۆكردنەوەی 20 خاڵ لە ریزبەندی پازدەی پرێمەرلیگ دێت.
هەواڵی پێكانی یاریزانەكان
كریستاڵ پاڵاس بە بێ ئادەم وارتن و ماتیۆس فرانكا رووبەرووی بلووز دەبێتەوە.
لەبەرامبەردا چێڵسی بە بێ ویسلی فۆفانا، رۆمیۆ لاڤیا، بادیاشیل و دۆسبیری هۆڵ رووبەرووی پاڵاس دەبێتەوە.
پێکهاتەی پێشبینیکراوی چێڵسی
سانچێز
گوستۆ، تۆسن، كۆلویل، كۆكۆرییا
كایسێدۆ، ئینزۆ
مادویكی، پاڵمەر، نیتۆ
جاكسن
پێکهاتەی پێشبینیکراوی كریستاڵ پاڵاس
هەندرسن
كڵاین، چالۆبا، لوكرۆی، گێی، میچێل
هیوز، دۆكۆری
سار، ماتێتا، ئیزی
