یاریگا –
بارسێلۆنا تاوەکو ئێستا لە تۆمارکردنی ناوی دانی ئۆلمۆ لە لیستی یاریزانانی بۆ قۆناخی دووەمی لالیگا سەرکەوتوو نەبووە.
هانزی فلیکی راهێنەری یانەکە کەمێک لەمەوبەر لە کۆنگرەی رۆژنامەوانی بەر لە یارییەکەی سبەی بەرامبەر بارباسترۆ باسی چارەنووسی ئەستێرە ئیسپانییەکە دەکات و هیوای بە تۆمارکرانی ناوی هەیە.
من نامەوێت زۆر باسی ئەو بابەتە بکەم چونکە کاری من نییە، کاری من ئامادەکردنی تیپەکەیە بۆ یارییەکان بە باشترین شێواز.
بەڵام پێش کریسمس و ئەمڕۆ لەبارەی ئەو بابەتە قسەم لەگەڵ سەرۆک کردووە و بەردەوام لە پەیوەندیدابووین. متمانەم بەو کەسانە هەیە لەم بابەتە بەرپرسن و دڵنیام کاری خۆیان دەکەن. منیش کاری خۆم دەکەم و تیپەکەم بۆ یاریی داهاتوو ئامادە دەکەم.
دانی ئۆلمۆ بەشداری مەشقەکانی ئەمڕۆی کردووە و بەهیچ شێوەیەک بیر لە جێهێشتنی یانەکەی ناکاتەوە و سەرنجی تەنیا لەسەر بارسێلۆنایە.
مەشقەکانی ئەمڕۆی بارسا
من التدريبات الصباحية استعداداً للقاء بارباسترو في الكأس 🔴🔵 pic.twitter.com/5VLKYnv9wU
— FCB World (@forcabarca_ar) January 3, 2025
بۆچی بارسێلۆنا ناتوانێت ناوی ئۆلمۆ لە لالیگا تۆمار بکات؟
بەگوێرەی یاساکانی لالیگا هەر یانەیەک بەگوێرەی باڵانسی نێوان خەرجییەکان و داهاتەکانی دەتوانێت مووچەی یاریزانەکانی بدات، واتە نابێت یانەکان خەرجییەکی زۆر بکەن بەبێ ئەوەی هێندە داهاتیان هەبێت، ئەمەش بۆ پاراستنی یانەکانە لە مایەپووچبوون.
