چێڵسی کۆتایی بە گرێبەستی خواستنی بەرگریکارێکی هێنا

یاریگا –

چێڵسی بڕیاریداوە کۆتایی بە گرێبەستی خواستنی ئارۆن ئانسێلمینۆ لە بۆکا جونیۆرز بهێنێت و بیگەڕێنێتەوە لەندەن.

بەرگریکاری ئەرجەنتینی لە هاوینی رابردوو پەیوەندی بە چێڵسی کرد، بەڵام دەستبەجێ بە خواستن پەیوەندی بە بۆکا جونیۆرزەوە کرد.

ئانسێلمینۆ لە تەواوی پاڵەوانیەتییەکاندا 18 یاریی لەگەڵ بۆکا کردووە و یەکێکە لە بەرگریکارە سەرەکییەکانی یانەکەی بوێنۆس ئایرێس.

بەرگریکارە ئەرجەنتینییەکە ئێستا لە کۆبهامە و لەگەڵ چێڵسی مەشقەکانی دەکات.

چێڵسی خەریکی هەڵسەنگاندنە بۆ تەواوی یاریزانە لاوەکانی کە ئێستا بە خواستن یاریی بۆ یانەکانی دیکە دەکەن.

هەریەکە لە لێسلی ئوگۆچوکو بە خواستن لە ساوسامتنە و ئالفی گیلکریست لە شێفیڵد یونایتدە و بەشیر هەمفرایس لە بێرنلییە و دەیڤد داترۆ فۆفانا لە گۆزتەپەی تورکییە.