بایرن میونشن بەدوای شوێنگرەوەی نۆیەر دەگەڕێت
تەمەن تەنگی بە ئەفسانە ئەڵمانییەکە هەڵچنیووە
یاریگا –
بایرن میونشن ئامادەکاری بۆ گواستنەوەی شوێنگرەوەی مانوێل نۆیەر دەکات.
رۆژنامەی بیڵد بڵاویکردووەتەوە، بۆ شوێنی نۆیەر، بایرن میونشن چاودێری چەند گۆڵپارێزێک دەکات، بارت ڤێربروخنی هۆڵەندی و زیۆن سوزوکی ژاپۆنی لە لیستەکەدان.
بەگوێرەی زانیارییەکانی رۆژنامە ئەڵمانییەکە، ڤێربروخن بژاردەیەکی سەرەکی باڤارییەکانە و خوازیارن لە هاوینی داهاتوو گرێبەست لەگەڵ گۆڵپارێزەکەی بڕایتن واژۆ بکەن.
🚨 Bayern Munich have shortlisted a number of goalkeepers who they could sign this summer, including Brighton’s Bart Verbruggen.
(Source: @BILD) pic.twitter.com/SxoZcgLHLN
— Transfer News Live (@DeadlineDayLive) January 1, 2025
بەڵام بەگوێرەی میدیاکانی بەریتانیا، مانچێستەر یونایتدیش کێبڕکێی گواستنەوەی گۆڵپارێزەکە دەکات و ئامادەیە 30 ملیۆن پاوەند لەپێناوی خەرج بکات.
هەرچەندە بایرن گفتوگۆی زارەکی بۆ نوێکردنەوەی گرێبەستەکەی نۆیەر کردووە، بەڵام گۆڵپارێزە ئەڵمانییەکە بەهاری داهاتوو تەمەنی دەبێتە 39 ساڵ و وادەی ماڵئاوایی لە لاکێشەی سەوز نزیکدەبێتەوە.
