ریال مەدرید گرێبەستی ئاڕنۆڵد و دەیڤز یەکلایی دەکاتەوە
"مەدریدییەکان متمانەی تەواویان بەخۆیانە"
یاریگا –
ریال مەدرید دەیەوێت گرێبەستی ئالێکساندەر ئاڕنۆڵد و ئالفۆنسۆ دەیڤز یەکلایی بکاتەوە.
تۆڕی رێلێڤۆ بڵاویکردووەتەوە، ریال مەدرید نەیویستووە لەم زستانە ئاڕنۆڵد پەیوەندی بە ریزەکانی بکات. بەڵکو لیڤەرپوولی ئاگادارکردووەتەوە دەیانەوێت لەم زستانە گرێبەستی لەگەڵ واژۆ بکەن و پاشان لە هاویندا یاریزانەکە پەیوەندی بە ریال مەدرید بکات.
بەگوێرەی زانیارییەکانی تۆڕە ئیسپانییەکە، ئەم هەنگاوەی ریال مەدرید بۆ ئەوە بوو لیڤەرپوولیش بێبەرامبەر یاریزانەکە لەدەستنەدا. بە نرخێکی گونجاو بۆ هەردوولا گرێبەستەکە یەکلایی بکرێتەوە.
👉 El Real Madrid confirmó al Liverpool que irá a por Alexander-Arnold y le ofreció negociar un fichaje en enero.
Como han informado varios medios ingleses, el equipo red se niega a dejarlo marchar este invierno.
✍️ @JorgeCPicon https://t.co/akhacpXGAY
— Relevo (@relevo) January 1, 2025
هەمان سەرچاوە ئاماژەی بەوەش کردووە. هەرچەندە لیڤەرپوول ئۆفەری سەرەتایی رەتکردووەتەوە، بەڵام ریال مەدرید متمانەی تەواوی بەخۆیەتی و دڵنیایە دەتوانێت گرێبەست لەگەڵ بەرگریکارە ئینگلیزییەکە واژۆ بکات.
جیا لەو یاریزانە، ریال مەدرید چاوی لە تواناکانی ئالفۆنسۆ دەیڤزی بەرگریکاری بایرن میونشنە. بەگوێرەی زانیارییەکانی رێلێڤۆ، مەدریدییەکان سەرەتا گرێبەستی ئاڕنۆڵد یەکلایی دەکەنەوە و دواتریش هەنگاوەکانی گواستنەوەی دەیڤز دەستپێدەکەن.
هەردوو بەرگریکارەکە لە هاوینی داهاتوو گرێبەستەکانیان لەگەڵ یانەکانیان بەسەردەچێت. دەتوانن لەم زستانە ئازادانە لەگەڵ یانەیەکی نوێ رێکبکەون.
رۆژنامەی تێلێگراف تەواوی وردەکارییەکانی کەیسی ئارنۆڵد و ریال مەدرید ئاشکرا دەکات
