یانەیەكی گەورەی ئیتاڵیا داروین نونێزی دەوێت
یاریگا –
راپۆرتە رۆژنامەوانیەكان ئاشكرایانكرد، یانەی ئەیسی میلانی ئیتاڵی دەیەوێت لە گواستنەوەكانی زستانەدا گرێبەست لەگەڵ داروین نونێز واژۆ بكات.
نونێز لە هاوینی ساڵی 2022 لە ریزەكانی بێنفیكاوە بە بەهای 85 ملیۆن یۆرۆ پەیوەندی بە ریزەكانی لیڤەرپوولەوە كرد.
گرێبەستەكەی نونێزی 25 ساڵان لەگەل رێدز لە هاوینی ساڵی 2028 بەسەردەچێت.
NOTICIA. AC Milan ha comenzado a negociar con el Liverpool por el traspaso del delantero Uruguayo, Darwin Nuñez (25), tasando una oferta inicial de £4M como cedido + una opción de compra de £42M para Julio del 2025. [TuttoMercato] pic.twitter.com/u5dGx77emr
— Futbol de Inglaterra (@Mercado_Ingles) December 31, 2024
بەگوێرەی زانیارییەكانی تۆڕی تۆتۆ مێركاتۆ، یانەی ئەیسی میلان گفتۆگۆكانی لەگەڵ لیڤەرپوول بۆ گواستنەوەی داروین نونێز دەستپێكردووە.
ئاماژە بەوەشكراوە، ئەیسی میلان ئۆفەرێكی بە بەهای چوار ملیۆن پاوەند بەمەبەستی بەدەستهێنانی تواناكانی هێرشبەرە ئورۆگواییەكە بەشێوەی خواستن و بۆ ماوەی وەرزێک، لەگەڵ بژاردەی كڕینەوەی هەمیشەیی پێشكەشی لیڤەرپوول كردووە.
ئەوەشخراوەتە روو، یانە ئیتاڵییەكە بەهای 42 ملیۆن پاوەندی داناوە بۆ ئەوەی لە دوای كۆتاییهاتنی ماوەی خواستنەكەی یاریزانەكە بەشێوەیەكی هەمیشەیی بگوازێتەوە.
داروین نونێز لەگەڵ لیڤەرپوول 119 یاریی كردووە و توانیویەتی 37 گۆڵ بكات و 20 گۆڵیش درووست بكات.
