ئەستێرەیەکی نەسڕ پەیوەندی بە خولی فەڕەنسیەوە کرد
یاریگا –
لە کۆتا کاتژمێرەکانی ساڵی 2024 یاریزانێکی نەسڕی سعودی پەیوەندی بە خولی فەڕەنسیەوە کرد.
فابریزۆ رۆمانۆی رۆژنامەنووسی شارەزا لە بازاڕی گواستنەوەکان بە پشتبەستن بە زانیارییەکانی لێ پاریسیان ئاشکرای کردووە کە سیکۆ فۆفانا واژۆی لەسەر رێککەوتنێک کردووە بۆ پەیوەندیکردنی بە یانەی رین و لە چەند رۆژی داهاتوودا گرێبەستەکە رادەگەیەنرێت.
لە درێژەی وردەکاریەکانی ئەو رۆژنامەنووسەدا هاتووە ناوەڕاستکارە فەڕەنسیەکە بەشێک لە پشکنینە پزیشکیەکانی تەواوکردووە و تێچووی گواستنەوەکەشی بۆ ئەو یانەی وڵاتەکەی 20 ملیۆن یۆرۆی تێچووە.
🚨🔴⚫️ Seko Fofana to Rennes, deal sealed and here we go!
Agreement completed for the midfielder to return to Ligue1, it will be official in the next days.
First part of medical completed, fee over €20m as Le Parisien reported.
Rennes also on it for Brice Samba. 📈 pic.twitter.com/V4vyKO4yUc
— Fabrizio Romano (@FabrizioRomano) December 31, 2024
پەیوەندیکردنی فۆفانا بە یانەی رینەوە کە پێشتر لە ساڵی 2020-2023 لە یانەی لینسی ئەو وڵاتە یاریی کردووە، دوای چەند رۆژێک دێت لە لێدوانەکانی کریستیانۆ رۆناڵدۆی هاوتیمی لە نەسڕ کاتێک لە میانی دابەشکردنی خەڵاتەکانی زە بێست، خولی سعودی بە بەهێزتر پیشاندا وەک لە خولی فەڕەنسی.
