یاریگا –
ماتیوس کونیا، هێرشبەری وۆڵڤز بۆ دوو یاریی رادەگیرێت و بە بڕە پارەیەکیش سزادەدرێت.
کونیا لە یاریی رابردووی وۆڵڤز بەرامبەر ئیپسویچ تاون (14ی دیسێمبەر/کانوونی یەکەم) لەدوای تەواوبوونی یارییەکە، کێشەی لەگەڵ ستافی راهێنەرانی ئیپسویچ دروستکرد.
لەدوای بەرزکردنەوەی راپۆرتی یارییەکە و لێکۆڵینەوەکردن، پرێمەرلیگ بڕیاریدا هێرشبەرە بەڕازیلییەکە بەهۆی ”هەڵسوکەوتی نادروست” بۆ دوو یاریی رایبگرێت و بەبڕی 80 هەزار پاوەندیش سزای بدات.
لە دوای ئەوەی جاک تایلەر، لە دوا ساتەکانی یارییەکەدا هێرشبەری ئیپسویچ گۆڵی بردنەوەی کرد، کێشە لە نێوان یاریزانانی هەردوو یانە دروستبوو و کونیاش بە هۆکاری سەرەکی پشێوییەکان دانرا.
وۆڵڤز تەنیا چوار یاریی ئەم وەرزەی بردووەتەوە و لە پلەی 17ی پرێمەرلیگدایە. شەڕی مانەوە لەگەڵ ئیپسویچ تاون، لێستەر سیتی و ساوسامتن دەکات.
