یاریزانێکی پۆرتوگالی خۆشەویستەکەی لە ماڵەوە زیندانی دەکات
یاریگا –
روبێن سێمیدۆ یاریزانی هەڵبژاردەی پۆرتوگال، سەرلەبەیانی دوێنێ لە لایەن هێزەکانی پۆلیس بە تۆمەتی زیندانیکردنی کچە خۆشەویستەکەی و کردەوەی توندوتیژی بەرامبەری دەستگیر کرا.
داواکاری گشتی پۆرتوگال لە بەیاننامەیەکدا رایگەیاند، سێمیدۆ کە یاری بۆ یانەی خۆری قەتەر دەکات، بە تاوانی توندوتیژی خێزانی دەستگیرکردووە. کاتژمێر 3ی بەیانی هێزەکانی پۆلیس هەڵیانکوتایە سەر شوێنی نیشتەجێبوونی و دەستگیریان کرد. خۆشەویستەکەی سێمێدۆ کە توانیویەتی هەڵبێت و خۆی بگەیەنێتە لای پۆلیس راگەیاند کە لەلایەن هاوسەرەکەیەوە زیندانی کراوە و توندووتیژی بەرامبەر کردووە.
🚨 𝗕𝗥𝗘𝗔𝗞𝗜𝗡𝗚: Rúben Semedo has been arrested in Lisbon for attacking his partner and holding her captive for several hours.
Luckily, she managed to escape and alert the local authorities.
(Source: @Record_Portugal) pic.twitter.com/SqEwHAf67O
— Transfer News Live (@DeadlineDayLive) December 29, 2024
ئەمڕۆ پارێزەرەکەی بۆ یەکەمجار قسەی بۆ رۆژنامەنوسان کرد و پەشیمانی سێمێدۆی راگەیاند و گوتی:
روبن زۆر دڵتەنگە، ئەم چیرۆکە ئەوی لەناوبردووە و بە تەواوی هاوکاری دادگا دەکات، لەم رووداوە بێزار بووە و چیتر ناتوانێت ئەو کارە بکات.
پۆلیس دەڵێت، هاوسەرەکەی روبێن سێمێدۆ لە حاڵەتێکدا گەیشتووەتە بنکەی پۆلیس کە ئاسەواری لێدانەکان لەسەر جەستەی دەبینرا. تا ئەو جێگایەی هێزەکانی پۆلیس بنکەی تەندرووستیان ئاگادار کردووەتەوە و ئێستا لە نەخۆشخانە چارەسەر وەردەگرێت و یاریزانەکەش بۆ یەکلایی بوونەوەی چارەنووسی چاوەڕێی بڕیاری دادگا دەکات.
