یاریگا –
روبن ئامۆریم راهێنەری مانچێسته‌ر یونایتد دوای دۆرانیان به‌رامبه‌ر نیوكاسڵ یونایتد باسی هۆكاری شكسته‌كه‌یان ده‌كات.
ئامۆریم دوای یارییه‌كه له كۆنگره‌یه‌كی رۆژنامه‌وانی گوتی، کاتێک بەم ساتانەدا تێدەپەڕیت، بە تایبەت لە یانە گەورەکاندا گۆڕینی شتەکان زۆر ئەستەم دەبێت، بە تایبەت کاتێک، کاتی زۆرت بۆ خاڵە بنچینەییەکانی مەشق نەبێت و ده‌رفه‌تی گۆرانكارییت نه‌بێت، تاوەکو مامەڵە لەگەڵ ساتە سەختەکاندا بکەیت.
“If you change your mind, it’s the end of any coach” 🧠@GNev2 interviews Ruben Amorim. pic.twitter.com/dpVxYgEVNs
— Sky Sports Premier League (@SkySportsPL) December 30, 2024
هه‌روه‌ها راهێنه‌ری شه‌یتانه سوره‌كان گوتیشی، پێویستە لەم دۆخە لە شێوازی بینینی خولەکە تێبگەین، هەموو کەسێک دەتوانێت لە هەموو کەسێک بباتەوە، بۆیە دەبێ یارییەکان ببەینەوە و سەرنجمان لەسەر خۆرزگارکردن له‌م دۆخه بێت.
له‌باره‌ی دۆرانیان به‌رامبه‌ر نیوكاسڵ گوتی، بەڵێ، ئەمە هەڵەی منیشە چونکە پێم وایە تیمەکە دەزانێت بەرەوپێش نەچووە، کەمێک لە کۆنتڕۆڵ دەرچووە، بەڵام دەبێ خۆمان لەگەڵیدا بگونجێنین و ساتی سەخت لە ژیانی هەموواندا هەیە ئێستا ئێمه له‌و ساته سه‌خته‌ین.
زیاتر گوتی، پێم وایە هەمووان رێز لەمە دەگرن، بەڵام ئەگەر لە دۆڕان بەردەوام بیت مەحاڵە بتوانیت بیرۆکەکەت بفرۆشیت، له‌وانه‌یه ئه‌و كات شته‌كان بگۆرێن.
له كۆتاییدا راهێنه‌ره پۆرتوگالیه گوتی، من بە شێوازێکی دیکە یارییەکان دەبینم، ئەگەر بنەماکان بزانیت و مەشق لەسەر بیرۆکەکە بکەیت بەدڵنیاییەوە ئەگەری گۆڕینی هەموو شتێک هه‌یه، بۆیه ده‌مه‌وێت كار له‌سه‌ر بیرۆكه‌كه‌م بكه‌م و دڵنیام لە بردنەوەی یارییەکان نزیکمان دەکاتەوە.
