یاریگا –
ویلیان بۆرگێس بەشێوەیەکی کتوپڕ گرێبەستەکەی لەگەڵ یانەی ئۆڵیمپیاکۆسی یۆنانی هەڵوەشاندەوە.
ویلیان کە لە 2ی سێپتەمبەری ئەم ساڵ گرێبەستی لەگەڵ ئۆڵیمپیاکۆس واژۆکرد دوای ماوەیک لە یاریکردن بۆ فوڵهام، لەگەڵ یانە یۆنانیەکە تەنها 6 یاریی ئەنجامدابوو.
رۆژنامەنووسی شارەزا لە گواستنەوەکان، بەبێ ئەوەی وردەکاریی هۆکارەکان باسبکات، ئاشکرایکردووە کە یاریزانە 36 ساڵانەکە گرێبەستەکەی لەگەڵ یانەکەی هەڵوەشاندووەتەوە و ئێستا یاریزانێکی ئازادە لە بازاڕدا.
ئەو یاریزانەی باڵی یاریگا کە زۆترین ماوەی یاریکردنی لە ریزەکانی چێڵسی بوو (2013-2020)، جاری یەکەمی نییە گرێبەستی خۆی هەڵوەشێنێتەوە. پێشتریش لەگەڵ ئارسیناڵ ئەو کارەی کرد کاتێک 2021 گەنەرزی جێهێشت و گەڕایەوە بۆ کۆرێنتیانسی وڵاتەکەی.
هێشتا یاریزانە بەڕازیلیەکە چارەنووسی خۆی بۆ وێستگەی داهاتووی دیارینەکردووە. بەڵام ئازادە گفتگۆ لەگەڵ هەر یانەیەک بکات بەخۆڕایی پەیوەندییان پێوەبکات.
