نوێترین زانیاری دەربارەی داهاتووی ئالێكساندەر ئارنۆڵد

یاریگا –

راپۆرتە رۆژنامەوانیەكان نوێترین زانیارییەكانیان دەربارەی داهاتووی ترێنت ئالێكساندەر ئارنۆڵد بڵاوكردەوە.

گرێبەستەكەی ئارنۆڵد لەگەڵ لیڤەرپوول لە هاوینی ساڵی 2025 بەسەردەچێت.

لەماوەی رابردوودا سەرچاوەكان باسیان لەوە دەكرد، ریال مەدرید گرنگی بە گواستنەوەی ئالێكساندەر ئارنۆڵد دەدات و دەیەوێت لە هاوینی داهاتوودا بیگوازێتەوە ریزەكانی.

Todo lo que hay detrás del fichaje de Arnold y su último gesto.

◾️El futbolista celebró su último gol llevándose la mano a la oreja, mientras la abría y la cerraba, emulando una boca. Como diciendo que ‘se está hablando mucho’@JorgeCPicon 🤝 @Rodra10_97https://t.co/iydbtlADKR

— Relevo (@relevo) December 30, 2024

بەگوێرەی زانیارییەكانی تۆڕی رێلیڤۆ، دانوستانەکانی نێوان ریال مەدرید و ترێنت ئالێكساندەر ئارنۆڵد بە خێرایی بەرەوپێش دەچێت.

ئاماژە بەوەشكراوە، دەكرێت گرێبەستەكەی ئارنۆڵد لە مانگی یەكدا یەكلاییبكرێتەوە و لە هاوینیشدا وەک یاریزانێكی ئازاد پەیوەندی بە ریال مەدریدەوە بكات.

ئەوەشخراوەتە روو، ئارنۆڵد دەیەوێت وەرزەكە بە باشی لەگەڵ لیڤەرپوول كۆتایی پێبهێنێت پێش ئەوەی لە هاویندا پەیوەندی بە یانە شاهانەكەوە بكات.

لە راپۆرتەكەی رێلیڤۆشدا هاتووە، لیڤەرپوول لە نوێكردنەوەی گرێبەستی ئارنۆڵد بێهیوا نەبووە، بەڵام یاریزانەكە بەردەوامە لە پشتگوێخستنی ئەو ئۆفەرانەی پێشكەشی دەكرێت.

ئارنۆڵد لەگەڵ لیڤەرپوول 326 یاریی كردووە و توانیویەتی 20 گۆڵ بكات و 83 گۆڵیش درووست بكات.