دهۆک گرێبەستی بەرگریکارێکی بەڕازیلی راگەیاند

یاریگا –

دهۆک بەفەرمی گرێبەستی لوکاس هێنریکی تورسی بەرگریکاری بەڕازیلی لە خولی پلە دووی ئەمریکییەوە راگەیاند.

یانەی دهۆک بەفەرمی گواستنەوەی لوکاس هێنریکی تورسی بەرگریکاری بەڕازیلی لە یانەی مێمفێس 901ـی ئەمریکییەوە راگەیاند، کە ئەو بەرگریکارە بەڕازیلییە لە بۆرسەی یاریزانان نرخەکەی 150 هەزار یۆرۆیە و لە دڵی بەرگری یاریی دەکات.

هێنریکی تورسی (28 ساڵان) پێشتر لە ریزی یانەکانی ساو کایتانۆی بەڕازیلی و گرونباخی ئەڵمانی و فورشتێنواڵدی ئەڵمانی یاریی کردووە و باڵی 192 سانتیمە و لە دڵی بەرگری لە پاڵ لۆکاس مۆزیس بەرگریکاری بەڕازیلی یاریی دەکات.