یاریگا –
ئەمڕۆ تیمە تۆقێنەرەكەی ئارنە سڵۆت لە یارییەكی دیكەی پرێمەرلیگ بەرامبەر وێستهام یاریی دەكات.
وا بڕیارە ئەمڕۆ یەكشەممە كاتژمێر 20:15 بە كاتی كوردستان وێستهام لە یاریگای خۆیدا میوانداری لیڤەرپوول دەكات، لە میانی یارییەكانی گەڕی نۆزدەی پرێمەرلیگ.
پڕۆفایلی یاری
لیڤەرپوولی ئارنە سڵۆت جیاوازە و بە یارییەك كەمتر و بە جیاوازی شەش خاڵ لە پێش چێڵسی دووەمەوەیە.
لیڤەرپوول لەم وەرزەدا لە 17 هەفتە توانیویانە 13 یاریی ببەنەوە و 3 یاریی یەكسان بن و یارییەكیش بدۆڕێن.
بە كۆكردنەوەی 42 خاڵ پێشەنگی ریزبەندی پرێمەرلیگیان گرتووە.
لە بەرامبەردا وێستهام لە كۆی 18 یاری شەش یاریی براوە بووە پێنج یاریی یەكسان بووە و حەوت یارییش دۆڕاوە.
بە كۆكردنەوەی 23 خاڵ لە ریزبەندی 13 پرێمەرلیگ دێت.
هەواڵی پێكانی یاریزانەكان
رێدز بە بێ ئیبراهیما كۆناتێ و كۆنۆر برادلی رووبەرووی وێستهام دەبێتەوە.
لە بەرامبەردا وێستهام بە بێ ئانتۆنیۆ بەرامبەر تیمەكەی سڵۆت یاریی دەكات.
پێکهاتەی پێشبینیکراوی وێستهام
ئاریۆلا
وان بیساكا، تۆدیبۆ، ماڤرۆبانس، ئێمیرسن
ئالڤارێز
قدوس، پاكوێتا، سولێر، بۆوین
فۆلكرۆگ
پێکهاتەی پێشبینیکراوی لیڤەرپوول
ئالیسن
ئارنۆڵد، گۆمێز، ڤان دایك، سیمیكاس
گراڤنبێرخ، ماک ئالیستەر
سەڵاح، جۆنس، گاكپۆ
دیاز
