یاریگا –
ئەمڕۆ لە یاریی لووتكە و یاریی كۆتایی پێشوەخت هەردوو هەڵبژاردەی عێراق و سعوودیە رووبەرووی یەک دەبنەوە.
وا بڕیارە ئەمڕۆ شەممە كاتژمێر 17:30 بە كاتی كوردستان هەردوو هەڵبژاردەی عێراق و سعوودیە رووبەرووی یەک ببنەوە، لە میانی یارییەكانی گەڕی سێیەمی جامی كەنداو.
پڕۆفایلی یاری
لە كۆتا یاریی قۆناخی كۆمەڵەكان و لە یاریی گەیشتن بە قۆناخی داهاتوو سعوودیە و عێراق رووبەروو دەبنەوە.
عێراق لە یەكەم یارییدا بەرامبەر یەمەن یارییكرد و یارییەكەشی بە گۆڵێكی بێ وەڵام لێبردەوە، لە دووەم یارییدا رووبەرووی بەحرەین بووەوە و بە دوو گۆڵی بێ وەڵام تووشت شكست هات.
بە كۆكردنەوەی سێ خاڵ لە ریزبەندی سێیەمی كۆمەڵەی دووەم دێت.
لە بەرامبەردا سعوودیە لە یەكەم یاریی بەرامبەر بەحرەین بە سێ گۆڵ بەرامبەر دوو گۆڵ تووشی شكست هات و لە یاریی دووەمیشدا بەرامبەر یەمەن بە سێ گۆڵ بەرامبەر دوو گۆڵ بردیەوە.
بە كۆكردنەوەی سێ خاڵ لە ریزبەندی دووەمی كۆمەڵەی دووەم دێت.
لە كۆمەڵەی دووەم بەحرەین بە كۆكردنەوەی شەش خاڵ بلیتێكی قۆناخی داهاتووی یارییەكانی جامی كەنداوی بەدەستهێناوە و ئەمڕۆ عێراق و سعوودیەش لە پێناو بەدەستهێنانی بلیتەكەی تر دەجەنگن.
لە بەرامبەردا یەمەن لە گەیشتنی بە قۆناخی داهاتوو بێهیوا بووە.
هەڵبژاردەی سعوودیە بۆ گەیشتن بە قۆناخی داهاتوو بە یەكسان بوونیش دەگاتە قۆناخی داهاتوو، بەڵام لەبەرامبەردا هەڵبژاردەی عێراقی خاوەن نازناوی رابردوو تەنیا بە بردنەوە دەتوانێت بلیتی قۆناخی داهاتوو بەدەستبهێنێت.
پێشتر هەردوو هەڵبژاردە 23 جار رووبەڕووی یەک بوونەتەوە، هەڵبژاردەی سعوودیە 9 جار براوە بووە عێراق 8 جار و شەش جاریش یەكسان بوون.
یونس مەحمود بە تۆماركردنی چوار گۆڵ گۆڵكاری رووبەڕووبوونەوەكانی نێوان هەردوو هەڵبژاردەی سعوودیە و عێراقە.
پێكهاتەی پێشبینیكراوی عێراق
جەلال حەسەن
رێبین سولاقا، زەید تەحسین، ئەحمەد مەكەنزی، مستەفا سەعدوون
ئەمجەد عەتوان، ئەحمەد یاسین، ئیبراهیم بایش
زیدان ئیقبال، ئەیمەن حوسێن، عەلی جاسم
پێکهاتەی پێشبینیکراوی سعوودیە
نەواف عەقیدی
یاسر شەهرانی، عەلی بولیاحی، عەلی عوجەیمی، سوڵتان غەنام
محەمەد كەنو، موسعەب جووەیر، عەبدوڵا مالیكی
عەبدوڵا حەمدان، هوساوی، عەبدوڵا ردێف
