كاساس هەڕەشە لە سعودیە دەکات
یاریگا –
خیسوس کاساسی ئیسپانی، راهێنەری هەڵبژاردەی عێراق، رایده‌گه‌نێت، ده‌توانین بگه‌ینه قۆناخی داهاتووی جامی كه‌نداو، هه‌ڵه‌مانمان چاره‌سه‌ر ده‌كه‌ین.
هەڵبژاردەی عێراقی یەکەم دۆڕانی لە جامی کەنداو بەرامبەر بەحرەین بە ئەنجامی 0-2 دووچار بوو، یاریی داهاتووی به‌رامبه‌ر به هه‌ڵبژارده‌ی سعودیه ده‌بێت و ته‌نها به بردنه‌وه ده‌گاته قۆناخی داهاتوو.
⚽️شاهد أهداف #البحرين_العراق بصوت المعلق فهد العريشي🎙⤵️#خليجي26 | #SSC pic.twitter.com/8QhxbTmjfD
— SSC (@ssc_sports) December 25, 2024
دوای دۆرانیان به به‌حرێن خیسوس کاساس له كۆنگره‌یه‌كی رۆژنامه‌وانی رایگه‌یاند، ئەو هەڵانە شیدەکه‌ینه‌وه کە بووە هۆی شکستمان به‌رامبه‌ر به‌حرێن، باشترین ئامادەکاری بۆ رووبەڕووبوونەوەی سعوودیە ده‌كه‌ین بۆ ئه‌وه‌ی سه‌ركه‌وتن مسۆگەر بكه‌ین.
راهێنەرە ئیسپانییەکە گوتیشی، یارییەکەی سعودیە بەهیچ شێوەیەک ئاسان نابێت، بەڵام هەوڵدەدەین هەڵەکانی خۆمان شیبکەینەوە و راستیان بكه‌ینه‌وه، ئه‌و یاریزانانه ده‌ستنیشان ده‌كه‌م لەرووی جەستەییەوە گونجاوبن، سەرده‌كه‌وین و توانای ئەوەمان هەیە، بەڵام لە هەر حاڵەتێکدا یارییەکە ئاسان نابێت.
سەبارەت بە دۆرانیان به‌رامبه‌ر بەحرەین، کاساس گوتی، یارییەکە ئاسان نەبوو، دەبێت دەستخۆشی لە بەحرەین بکەین، ماندوو دەرکەوتین، نەبوونی هەندێک یاریزانیش کاریگەری لەسەر ئێمە هەبوو، بە دڵنیاییەوە دڵخۆش نیم بە ئاستی تیپه‌كه‌م.
له كۆتاییدا رایگه‌یاند، ئێمه یاریزانی باش و به توانامان هه‌یه ده‌بێت یارییه‌كه‌مان به‌رامبه‌ر سعودیه به باشترین شێوه و به بێ هه‌ڵه بكه‌ین بۆ ئه‌وه‌ی بتوانین براوه‌بین و بگه‌ینه قۆناخی داهاتوو.
