یاریگا –
لە كۆتا یاریی ئەمڕۆی یارییەكانی هەفتەی هەژدەی پرێمەرلیگ لیڤەرپوول لە یاریگای خۆیدا میوانداری لێستەر سیتی دەكات.
وا بڕیارە ئەمڕۆ كاتژمێر 23:00 بە كاتی كوردستان لیڤەرپوول لە یاریگای ئانفیڵدی تایبەت بە خۆی میوانداری لێستەر سیتی بكات، لە میانی یارییەكانی گەڕی هەژدەی پرێمەرلیگ.
پڕۆفایلی یاری
لیڤەرپوولی ئارنە سڵۆت جیاوازە و بە یارییەك كەمتر و بە جیاوازی چوار خاڵ لە پێش چێڵسی دووەمەوەیە.
لیڤەرپوول لەم وەرزەدا لە 16 هەفتە توانیویانە 12 یاریی ببەنەوە و 3 یاریی یەكسان بن و یارییەكیش بدۆڕێن.
بە كۆكردنەوەی 39 خاڵ پێشەنگی ریزبەندی پرێمەرلیگیان گرتووە.
لەبەرامبەردا لێستەر سیتی لە 17 یاریدا سێ یارییان بردووەتەوە و پێنج یاریی یەكسان بوون و نۆ یارییش دۆڕاون.
بە كۆكردنەوەی 14 خاڵ لە ریزبەندی 17 پرێمەرلیگ دێن.
هەواڵی پێكانی یاریزانەكان
ئارنە سڵۆت بۆ ئەو یارییە تەنیا لە تواناكانی ئیبراهیما كۆناتێ و كۆنۆر برادلی بێ بەش دەبێت.
لەبەرامبەردا ڤان نێستێلرۆی بە بێ ئێندیدی ، هێرمانسن، عەبدول فاتاو، ئێدوارد، پێرێرا و ستۆرلاچیك بێبەش دەبێت.
پێکهاتەی پێشبینیکراوی لیڤەرپوول
ئالیسن
ئارنۆڵد، گۆمێز، ڤان دایك، سیمیكاس
گراڤنبێرخ، ماک ئالیستەر
سەڵاح، سۆبۆسلای، دیاز
جۆتا
پێکهاتەی پێشبینیکراوی لێستەر سیتی
وارد
كریستیانسن، ڤێستایۆر، كۆدی، جەستن
سۆمارێ، سكیپ
ماڤیدیدی، خەنووس، ئایۆ
ڤاردی
