ئارسەر میلۆ دەگەڕێتەوە لالیگا

یاریگا –

ئارسەر میلۆ دەگەڕێتەوە لالیگا و بە خواستن پەیوەندی بە ریزەکانی ریال بێتیسی ئیسپانییەوە دەکات.

ماڵپەڕی تریڤێلای بەڕازیلی ئاشکرایکردووە، ئارسەر میلۆ ناوەڕاستکاری بەڕازیلی بە خواستن روودەکاتە ریزەکانی ریال بیتیسی ئیسپانی و جارێکی دیکە لە لالیگا یاریی دەکاتەوە، کە ئەو یاریزانە بەڕازیلییە پێشتر 72 یاری بە درێسی بارسێلۆنا کردووە و 4 گۆڵ و 6 ئەسیستی کردووە.

ئارسەر میلۆ (28 ساڵان) پێشتر لە ریزی یانەکانی لیڤەرپوولی ئینگلیزی، فیۆرێنتینای ئیتاڵی و یوڤێنتۆوسی ئیتاڵی و گریمیۆی بەڕازیلی یاریی کردووە، ئێستا لە بۆرسەی یاریزانان نرخەکەی 5 ملیۆن یۆرۆیە.

ئارسەر میلۆ خاوەنی 22 یاریی نێودەالتییە بە درێسی هەڵبژاردەی بەڕازیل و گۆڵێکیشی کردووە، بە خواستن تا کۆتایی ئەم وەرزە لە یوڤێنتۆسەوە پەیوەندی بە ریزەکانی ریال بیتیسیەوە دەکات.