سێ رۆژ پێش یارییەکەیان لە جامی کەنداو؛ پێکەنینێکی یونس مەحموود بەرامبەر سعوودیە هەرای ناوەتەوە
لێدوانێکی جێگری سەرۆکی فیدراسیۆنی تۆپی پێی عێراق کاردانەوەی لێدەکەوێتەوە
یاریگا –
گەرچی رۆژی شەممە لە دوایین یاریی کۆمەڵەی دووەم رووبەڕوو دەبنەوە، بەڵام چەند رۆژێکە عێراقییەکان و سعوودییەکان لە جامی عێراق هێرش دەکەنە سەر یەکتری، سعوودییەکان لە لێدوانێکی یونس مەحموود نیگەرانن و ئەو لێدوانەی بە ‘سووکایەتی’ و ‘بێڕێزی’ لێکدەدەنەوە.
خاڵی دروستبوونی ناکۆکییەکان بە لێدوانێکی یونس مەحموود دەستیپێکرد، کاتێک لە لێدوانێكی بۆ کەناڵێکی سعوودی بە پێکنینەوە گوتی ‘هەڵبژاردەی سعوودییە بۆ بەدەستهێنانی جامی کەنداو هاتووە؟’ ئەم لێدوانەی جێگری فیدراسیۆنی تۆپی پێی عێراق بە تەواوەتی سعوودییەکانی نیگەران کرد، رۆژ لە دوای رۆژ وەڵامی دەدەنەوە.
🚨🚨🚨🚨🚨🚨🚨🚨🚨
يونس محمود نائب رئيس الإتحاد العراقي لكرة القدم:
السعودية جاية لـ اللقب (يضحك) ؟؟؟
— نواف الآسيوي 🇸🇦 (@football_li5) December 22, 2024
دوای بڵاوبوونەوەی لێدوانەکەی یونس مەحموود، لە میدیاکانی وڵاتانی کەنداو بۆچوونی جیاوازی لەسەر دروستبوو، تەنانەت بەرنامەی مەجلیس لە کەناڵی ئەلکاسی قەتەڕی میوانداریی یونس مەحموودیان کرد بۆ ئەوەی روونکردنەوە لەبارەی لێدوانەکەی بدات.
برنامج المجلس |
يونس محمود يوضح حكاية التصريح الذي أثار الجدل عن منتخب السعودية#كأس_الخليج || #خليجي_زين26
#قنوات_الكاس || #منصة_شوف pic.twitter.com/D5QQI0xzfp— قنوات الكاس (@AlkassTVSports) December 23, 2024
یونس مەحموود لە بەرنامەی مەجلیس لەبارەی لێدوانەکەی گوتی :’من کەسێک زۆرم حەز لە پێکەنینە، مەبەستم نەبووە بێڕیزی بەرامبەر سعوودییەکان بکەم، ئەگەر تەواوی لێدوانەکە ببینن بۆت دەردەکەوێت من هیچ بێڕێزییەکم نەکردووە، من رەوشتم رێگام پێ نادات بێڕێزی بەرامبەر کەس بکەم’.
خالد الشنيف:
الكابتن يونس محمود إما جاهل في كرة القدم السعودية أو شخص يبحث عن الأضواء “من لا يحترم لا يُحترم” @k_alshenaif #دورينا_غير_على_قناة_السعودية#هيئة_الإذاعة_والتلفزيون pic.twitter.com/UdmtcwDJPA— #دورينا_غير (@SBA_sport) December 24, 2024
خالید شنێف یاریزانی پێشووی سعوودی و شرۆڤەکار و میدیاکاری ئێستای سعوودی وەڵامێکی توندی یونس مەحموودی دایەوە و دەڵێت :’یونس مەحموود بەو لێدوانەی سەلماندی کەسێکی نەزانە، یانیش دەیەوێت بەردەوام جێگای باس بێت، ئەوەی رێزی خۆی نەگرێت رێزی لێ ناگیرێت’.
رۆژی شەممە کاتژمێر 17:30 لە گەڕی سێیەمی کۆمەڵەی دووەمی جامی کەنداو، سعوودیە و عێراق لە یاریگای نێودەوڵەتی جابر ئەحمەد بەیەک دەگەن.
