یاریگا –
راپۆرتە رۆژنامەوانیەكانی ئیسپانیا هەواڵێكی خۆشیان بۆ هاندەرانی بارسێلۆنا دەربارەی گەڕانەوەی لامین یامال بۆ یاریگاكان بڵاوكردەوە.
لامین یامال لە یاریی بەرامبەر لێگانێس لە هەفتەی 17ی خولی ئیسپانیا تووشی پێكان بوو بەهۆیەوە یاریگای بەجێهێشت.
دوای پشكنینەكان بۆ ئەستێرە لاوەكەی ئیسپانیا دەركەوت لە پاژنەی پێی راستی پێكانی هەیە و ماوەی مانگێک لە یاریگاكان دووردەكەوێتەوە.
چاوەڕوان دەكرێت یارییەكانی جامی سوپەری ئیسپانیا لە بەرواری 8ی مانگی داهاتوو لە سعوودیە بە بەشداری یانەكانی بارسێلۆنا، ریال مەدرید، ئاتلێتیك بلباو، ریال مایۆركا بەڕێوە بچێت.
بە گوێرەی زانیارییەكانی رۆژنامەی ئاس چاوەڕوان دەكرێت لامین یامال لە لیستی یاریزانەكانی بارسێلۆنادا بێت كە گەشتی سعوودیە دەكەن.
بەگوێرەی هەمان سەرچاوە لامین یامال لە یاریی قۆناخی پێش كۆتایی بەرامبەر ئاتلێتیك بلباو چاوەڕوان دەكرێت وەک یاریزانی یەدەك بەشداری بكات.
لامین یامال لە كۆتا یاریی بارسێلۆنا بەرامبەر ئاتلێتیكۆ مەدرید نەیتوانی بەشداری بكات و یارییەكەش بە بردنەوەی ئاتلێتیكۆ بە دوو گۆڵ بەرامبەر گۆڵێك كۆتایی هات.
