یاریگا –
کارلۆ ئانچیلۆتی ئیتاڵی، راهێنەری ریال مەدرید، رایگه‌یاند پێشبینه‌كه‌م به ئاستی ئێمباپێ هاته دی.
لە گەڕی 18ی خولی ئیسپانی، لە قەڵای مێرێنگێ، ریال مه‌درید 4-2 سه‌ركه‌وتنی بەرامبەر سیڤیلیا تۆماركرد بۆ پله‌ی دووه‌می ریزبه‌ندی سه‌ركه‌وت.
ئانچیلۆتی دوای یارییه‌كه رایگەیاند، پێموایە رەخنەگرتن لەخۆمان روون بوو، ئێمە درکمان بەوە کرد كه خراپ بووین، به‌ڵام ئێمە گەڕاینەوە بۆ ئه‌وه‌ی کارەکان بەشێوەیەکی دروست بكه‌ین، دوای دۆڕاندنەکەمان بەرامبه‌ر میلان قسەمان کرد و شتەکانمان شیکردەوە، جارێکی دیکە هاتینەوە و هه‌ڵه‌كانمان چاککردەوە.
👨🏫 Ancelotti se rinde a la carrera de @jnavas pic.twitter.com/KiOLQurUCO
— MARCA (@marca) December 22, 2024
گوتیشی، یارییەکەمان به‌رامبه‌ر سێڤییا قورس بوو، بەڵام وردە وردە گەراینەوە بۆ ئەوەی کارەکان بە باشی بكه‌ین، لەنێویاندا ئاستی ئێمباپێ.
سەبارەت بە ئێمباپێ رایگه‌یاند، پێموایە ئەو رەخنەی له خۆی گرت لە دۆخێک رزگاری بوو کە دەکرا زۆر ئاڵۆز بێت، دوێنێ گوتم کە ماوەی گونجاندنەکەی تەواو بووە، ده‌بێت بدروشێته‌وه، ئەمڕۆش ئەوەم سەلماند کە هەندێک جار هەڵە نیم .
🗣️ Carlo Ancelotti: “Jesús Navas se lo merece, por su carrera, ha sido un ejemplo para muchos futbolistas, todo el mundo quiere tener un futbolista con este espíritu.” 👏🏻 pic.twitter.com/Y1fUg7RGxr
— REAL MADRID FANS 🤍 (@AdriRM33) December 22, 2024
لەکۆتاییدا گوتی: پشوویەکمان دەبێت، بەرنامەیەکی تاکەکەسیمان بۆ یاریزانەکان داناوه، بەڵام کاتێک ده‌گه‌رێنه‌وه ئامادە دەبن، یارییەکمان هەیە لە 3ی 1، پێویستە ئامادەبین، بەڵام دڵنیام، یاریزانەکان دەتوانن چێژ لە ماوەی پشووكه‌یان وەربگرن.
سەبارەت بە ماڵئاواییکردنی ناڤاس، راهێنه‌ره ئیتاڵیه‌كه گوتی، ئەو ئەفسانەیە لە جیهانی تۆپی پێدا، نموونەیەکە بۆ ئەو گەنجانەی دەیانەوێت ببنە یاریزانێكی زۆر باش.
بەم سەرکەوتنە یانەی ڕیال مەدرید بە کۆکردنەوەی 40 خاڵ بۆ پلەی دووەمی لالیگا سه‌ركه‌وت و بە خاڵێک لەدوای ئەتلەتیکۆ مەدریدی پێشەنگە.
