یاریگا –
مانچێستەر سیتی پلانی گواستنەوەکانی خێراتر دەکات و دەیەوێ هەرچی زووترە لە بازاڕی گواستنەوەکانی زستانەدا یاریزانی دڵخوازی خۆی بگوازێتەوە.
سیتی بەدەست قەیرانی پێکانی یاریزان و هاوکات قەیرانی ئاست و ئەنجامیشەوە دەناڵێنێت و لە کۆتا 12 یارییاندا 9 جار شکستیانخواردووە.
ماڵپەڕی فیچاخێسی ئیسپانی پلانەکانی سیتیزنسی بۆ زستان ئاشکراکردووە و زانیویەتی کە ئەو یانەیە خۆی بۆ گواستنەوەی محەمەد قودو ئامادەدەکات.
بەپێی زانیارییەکانی ئەو سەرچاوەیە، مان سیتی ئامادەیە بڕی 80 ملیۆن یۆرۆ بدات لەپێناو کڕینی ئەستێرەکەی وێستهام.
یاریزانە غانییەکە کە لە هەردوو پێگەی ناوەڕاستی هێرشبەریی و باڵی راست دەتوانێ یاری بکات، لەوکاتەوەی لە ساڵی 2023 لە ئایاکسەوە گواستراوەتەوە بۆ هامەرز، ئاستی بەرز پێشکەشدەکات. لەم وەرزە خاوەنی 3 گۆڵ و ئەسێستێکە ئەگەرچی یانەکەشی بەدەست ئەنجامی خراپەوە دەناڵێنێ.
