یاریگا –
ئەمڕۆ لە یارییەكی دیكەی لالیگادا ریال مەدرید و سێڤییا رووبەڕووی یەک دەبنەوە.
وا بڕیارە ئەمڕۆ یەكشەممە كاتژمێر 18:15 بە كاتی كوردستان ریال مەدرید لە یاریگای سانتیاگۆ بێرنابیۆی تایبەت بە خۆی میوانداری سێڤییا بكات، لە میانی یارییەكانی گەڕی 18ی لالیگا.
پڕۆفایلی یاری
هەفتەی رابردوو ریال مەدرید توانی نازناوی جامی كیشوەرەكان بباتەوە. دوای ئەوەی لە یاریی كۆتایی لە پاچوكای مەكسیكی بردەوە.
لەم وەرزەدا ریال مەدرید بە دۆخێكی باشدا تێناپەڕێت بە جۆرێك لە 17 یاری ئیسپانیا 11 یاریی بردووەتەوە و چوار یاریی یەكسان بووە و دوو یاریش دۆڕاوە.
بە كۆكردنەوەی 37 خاڵ لە ریزبەندی سێیەم دێت.
سێڤییا لە 17 یاریدا شەش یارییان بردووەتەوە چوار یاریی یەكسان بووە و حەوت یاریش دۆڕاوە.
بە كۆكردنەوەی 22 خاڵ لە ریزبەندی یازدەی لالیگا دێت.
هەواڵی پێكانی یاریزانەكان
لە ریال مەدرید ڤینیسیۆس جونیۆر بەهۆی راگیرانەوە ناتوانێت بەشداری بكات و هەریەك لە میلیتاو ، مێندی، كارڤاخال وئالابا ناتوانن بەشداری بكەن.
لە بەرامبەردا سێڤییا بەبێ پێدرۆسا ، كواسی وئیجویك یاریی دەكات.
پێکهاتەی پێشبینیکراوی ریال مەدرید
كۆرتوا
ڤازكێز، چوامینی، رودیگەر، گارسیا
كاماڤینگا، ڤاڵڤێردی، بێڵینگهام
ئێمباپێ، رۆدریگۆ، براهیم دیاز
پێکهاتەی پێشبینیکراوی سێڤییا
فێرناندێز
سالاس، گودێلی، بادی، مۆنتیێل
نیگوێز، ئاگوۆمێ ، سێباستیان
ئیهناچۆ، لوكیباكیۆ، موزامبۆ
