یاریگا –
کارلۆ ئانچیلۆتی هەواڵە خۆشەکەی بە هاندەرانی ریاڵ مەدرید راگەیاند و وادەی گەڕانەوەی داڤید ئالابای ئاشکراکرد.
سبەی کاتژمێر 18:15 لە میانی یارییەکانی گەڕی 19ی خولی ئیسپانی ریاڵ مەدرید لەنێو سانتیاگۆ بێرنابیۆ میوانداری سێڤیادەکات و ئانچیلۆتی پێش ئەو یارییە چەند هەواڵێکی خۆشیی بە هاندەرانی دا، لەوانە گەڕانەوەی فێرلان مێندی و وادەی گەڕانەوەی داڤید ئالابا.
کارلۆ لە بارەی یاریزانە نەمساییەکەوە وتی
ئالابا بەشێک لە راهێنانەکانی کردووە. پێموایە لە 30ی ئەم مانگە دەگەڕێتەوە بۆ راهێنانە بەکۆمەڵەکان. لەوانەیە ناوەراستی مانگی یەنایەر ئامادەبێ بۆ یاریکردن.
راهێنەرە ئیتاڵیەکەی وەک هەواڵێکی ئێجگار گرنگ باسکرد و وتی
ئالابا دەگەڕێتەوە. ئەوە هەواڵێکی نایابە.
زیاتر لە ساڵێکە بەرگریکارەکەی مەدرید بەهۆی ئەو پێکانەی لە ئەژنۆیدا تووشی هات لە یارییەکەیان 4-1 بەرامبەر ڤیاڕیاڵ، یاریی نەکردووەتەوە. بە گەڕانەوەی بۆ یاریگاکان بژاردەکانی بەردەست کارلۆ زیاتردەبن بۆ هێڵی بەرگری. ئەوە بەتایبەت هەریەکە لە دانی کارڤاخال و ئێدێر میلیتاویش هەر بەهۆی پێکانی سەختەوە دوورکەوتوونەتەوە.
ریاڵ لەم وەرزە 17 هەفتە یاریی کردووە و خاوەنی پلەی سێیەمە لەدوای بارسێلۆنا و ئاتڵێتیکۆ مەدرید، بەڵام بارسای پێشەنگ یارییەک زیاتر لە دوو رکابەرە مەدریدیەکەی ئەنجامداوە.
