یاریگا –
ئاندێرسن تالیسکا، هێرشبەری بەڕازیلی نەسڕی سعوودی نزیکە لەوەی لەم زستانەدا پەیوەندی بە تیمەکەی جۆزێ مۆرینیۆوە بکات.
میدیاکانی سعودیە ئاشکرایان کرد، ئاندێرسن تالیسکا، ئەستێرەی نەسڕ، لە گواستنەوەی زستانەدا پەیوەندی بە فەنەرباچێی تورکیاوە دەکات. سەرچاوە جیاوازە باوەڕپێکراوەکان رایانگەیاند کە فەنەرباچێ لەگەڵ یانەی نەسڕ سەبارەت بەم گواستنەوەیە گەیشتووەتە رێککەوتن و تەنیا چەند وردەکارییەکی کۆتایی ماوە.
رۆژنامەی “ئەلریازیا”ی سعودی بڵاویکردەوە، تەنیا یەک هەنگاو ماوە تا واژۆکردنی گرێبەستەکەی تالیسکا لەگەڵ یانە تورکییەکە. ئەم رۆژنامەیە بە گێڕانەوە لە سەرچاوەیەکی ناو یانەی نەسر رایگەیاند کە یاریزانەکەو و فەنەرباچێ چاوەڕێی رەزامەندی ئیدارەی “نەسڕ” دەکەن لە چەند کاتژمێری داهاتوودا بۆ واژۆکردنی گرێبەستی فەرمی و کۆتایی هاتنی گواستنەوەکە.
#عاجل| مصدر نصراوي لـ”الرياضية”: ننتظر موافقة مجلس الإدارة لإنهاء صفقة انتقال البرازيلي تاليسكا لفنربخشه التركي.
من:(@k7aled_otb)
— الرياضية – عاجل (@ariyadhiah_br) December 20, 2024
بەگوێڕەی زانیارییەکان، تالیسکا بە خواستن دەچێتە یانە تورکییەکە و لەگەڵ بژاردەی کڕینی هەمیشەیی.
تالیسکای تەمەن 30 ساڵ بە درێسی نەسڕ توانیویەتی لە 102 یاریدا 73 گۆڵ و 10 ئەسیست بکات. لەم وەرزەدا لە 19 یاریدا 8 گۆڵی تۆمارکردووە.
