ئەستێرەی یاریگا؛ محەمەد دێهقانی باشترین یاریزانی گەڕی نۆیەمی خولی نایابی کوردستان بوو

یاریگا –

محەمەد دێهقانی ئەستێرەی گەڕی نۆیەمی خولی نایابی کوردستان بوو، کە تۆڕی وەرزشی یاریگا ئەستێرەی هەر گەڕێکی خولەکە دەستنیشان دەکات.

محەمەد دێهقانی هێرشبەری ئێرانی یانەی شەقڵاوە باشترین یاریزانی گەڕی نۆیەمی خولی نایابی کوردستان بوو، لە یاری بەرامبەر پیشەسازی دوو گۆڵی کرد و بردنەوەی بۆ یانەکەی بەدەستهێنا.

دێهقانی (24 ساڵان) لە یاریی بەرامبەر پیشەسازی لە خولەکەکانی 12 و 79 دوو گۆڵی کرد کە گۆڵی دووەمی بە لێدانی سزا بوو، ژمارەی گۆڵەکانی لەم وەرزە گەیاندە 6 گۆڵ، شەقڵاوە بر بردنەوەکەی بەرامبەر پیشەسازی کە 3-2 تەواو بوو، هاتە پلەی دوازدەمی ریزبەندی بووە خاوەنی 9 خاڵ.