دوو راهێنەری تونسی بەربژێرن بۆ وەرگرتنی ئەرکی یانەی شورتە
یاریگا –
دوو راهێنەری تونسی بەربژێرن بۆ ئەوەی لە یارییەکانی داهاتووی شورتە راهێنەرایەتی تیپەکە بکەن.
دوای دەستلەکار کێشانەوەی ئەحمەد سەڵاح لە راهێنەرایەتی شوڕتە، یانەکە لە ئێستادا لەگەڵ دوو راهێنەری تونسی لە سەر هێلە بۆ ئەوەی ئەم ئەرکەیان پێبسپێرێت، سامی تەرابلوسی لە گفتوگۆدایە بۆ ئەوەی ببێتە راهێنەری شوڕتە، بەڵام بە گوێرەی چەند سەچاوەیەک بە هۆی دەستنیشانکردنی یاریدەدەری راهێنەر شوڕتە و ئەم راهێنەرە ناکۆکن و لە یەکتر دوور کەوتوونەتەوە، ئەم راهێنەرە لە ساڵی 2013 تاوەکو 2023 راهێنەری سیلیەی قەتەڕی بووە.
نەبیل کوکی بەهێزترین پاڵێوراوە بۆ ئەوەی ئەرکی سەرپەرشتیکردنی شوڕتەی پێبدرێت بۆ یارییەکانی داهاتوو، نەبیل پێشووتر راهێنەری یانەکانی سەفاقسی تونسی و شەباب بلوزدادی جەزائیری و فەیسەڵی ئەردەنی و رەمسای ئەردەنی و ئیتیحادی لیبی و ئەفریقی تونس و بەنزەرتی تونسی بووە.
شوڕتە بە نۆ یاریی 18 خاڵی هەیە و لە ریزبەندی شەشەمی خولی ئەستێرەکانی عێراق دێت، لە خولی بژاردەی پاڵەوانانی ئاسیاش لە شەش یاریی تەنها دوو خاڵی هەیە و لە ریزبەندی 12ـەم و کۆتایی خولەکە دێت.
