ئارسیناڵ جێگرەوەی پارتی دۆزیوەتەوە
یاریگا –
یانەی ئارسیناڵ نایەوێت ئۆفەر پێشکەشی تۆماس پارتی بکات بۆ نوێکردنەوەی گرێبەستەکەی.
پارتی کە ماوەی چوار وەرزە یاری بۆ یانە لەندەنیەکە دەکات، ئەم وەرزە یەکێکە لە بژاردە گرنگەکانی میکێل ئارتێتا، کەچی هێشتا دەیەوێ بەڕێی بکات و یاریزانی نوێ بگوازێتەوە بۆ شوێنەکەی.
بەگوێرەی زانیاریەکانی ترانسفێرمارکتی تایبەت بە گواستنەوەی یاریزانان، گەنەرز نایەوێ گرێبەستی نوێ پێشکەشی یاریزانە غانیەکە بکات.
ئەو سەرچاوەیە زانیوشیەتی کە تۆپچیەکانی لەندەن جێگرەوەی پارتییان دۆزیوەتەوە و دەیانەوێ لوسیان ئاگۆمی لە یانەی سێفیا بگوازنەوه.
یانەکە بە راهێنەرایەتی ئارتێتا دەیانەوێ زیاتر خۆیان نوێبکەنەوە بە هێنانی یاریزانێک کە تەمەنیان لەگەڵ ستراتیژە دوورمەوداکانی ئارسیناڵ بگونجێت.
پارتی تەمەنی 31 ساڵە.هەرچی لوسیانی فەڕەنسیە تازە تەمەنی 22 ساڵە.
لوسیان لە 2019-2024 یاریزانی ئینتەر میلان بوو. پاش 4 وەرز بەخواستن ناردنەدەرەوەی، سەرەنجام لە مانگی ئاب/ئۆگەستی ئەم ساڵ بە یەکجاریی و بە بڕی 8 ملیۆن یۆرۆ گواسترایەوە بۆ یانە ئەندەلوسیەکە.
🚨 Arsenal are yet to offer Thomas Partey a new contract and are instead wanting to replace him with Lucien Agoume from Sevilla.
(Source: @Transfersdotcom) pic.twitter.com/4KJQ6Sn04G
— Transfer News Live (@DeadlineDayLive) December 19, 2024
