یاریگا –
بێڵینگهام لە یاریی کۆتایی جامی کیشوەرەکانی یانەکان تووشی پێکان بوو، لە ماسوڵکەکانی رانی هەستی بە ئازار دەکرد.
جود بێڵینگهام ناوەڕاستکاری ریال مەدرید لە یاریی بەرامبەر پاچوکا لە ماسوڵکەکانی رانی راستی تووشی کرژبوون بوو، دوای یارییەکە ڤینیسیوس جونیۆر لەبارەی پێکانەکەی بێڵێنگهام گوتی :’هەست ناکەم پێکانەکەی شتێکی گەورە بێت’.
🤕 Bellingham acabó tocado: carrera al vestuario, charla con el médico y vendaje antes de recibir el trofeo https://t.co/bmSbL7MvA7
— MARCA (@marca) December 19, 2024
میگێل ئەنخێل دیاز رۆژنامەنووسی ئیسپانی لە رادیۆی کادێنا کۆپی ئیسپانی ئاشکرایکردووە، بێڵینگهام بە ئازارەوە یارییەکەی پاچوکای تەواو کردووە و وابڕیارە پشکنینی زیاتری بۆ بکرێت بۆ ئەوەی راددەی پێکانەکەی دەستنیشان بکرێت.
رۆژنامەی مارکای ئیسپانی ئاشکرایکردووە، دوای یارییەکە بێڵینگهام بەهۆی پێکانەوە زوو گەڕایەوە ژووری جلگۆڕین، بەڵام پێناچێت پێکانەکەی مەترسیدار بێت و دوای گەڕانەوەی بۆ مەدرید پشکنینی وردی بۆ دەکرێت.
رۆژی یەکشەممەی داهاتوو ریال مەدرید لە گەڕی هەژدەمی لالیگا لە یاریگای خۆی میوانداریی سێڤییا دەکات.
