یاریگا –
ڤینیسیۆس جونیۆر، ئەستێرەی بەڕازیلی یانەی ریال مەدریدی ئیسپانی باس لە بردنەوەی نازناوی جامی كیشوەرەكان دەكات.
شەوی رابردوو ریال مەدرید لە یاریگای لوسەیل لە دەوحەی پایتەختی قەتەڕ رووبەرووی پاچوكای مەكسیكی بووەوە و یارییەكەشی بە سێ گۆڵی بێ وەڵام لێبردەوە و توانی بۆ جاری پێنجەم لە مێژووی پاڵەوانیەتیەكەدا نازناوەكە بباتەوە.
ڤینیسیۆس جونیۆر لەلایەن فیفاوە خەڵاتی زەبێستی بردەوە و بە باشترین یاریزانی جیهان دەستنیشانكرا.
SIMPLY THE BEST.#WorldCham9ions | #TheBest pic.twitter.com/ZDKQnS2fMl
— Real Madrid C.F. (@realmadrid) December 18, 2024
لە دوای یارییەكە ڤینیسیۆس جونیۆر گوتی:
هەمیشە چێژ لە یاریكردن لە بەردەم هاندەرانمان وەردەگرین، ساڵێكی سەرسوڕهێنەر بوو.
کارێکی باشمان کرد، ئێستاش دەبێت چێژ لە یاریکردن بەرامبەر یانە گەورەکان وەربگرین، بە ئارامی لە باشترین یانەی جیهاندا دەژیم هەمیشە سەرم بەرز رادەگرم.
هەمیشە خەونم بەوە دەبینی لەگەڵ یاریزانە گەورەکان یاری بکەم و نازناوەکان بەدەستبهێنم، تیمێكی زۆر باشمان هەیە کە پشتگیری یەکتر دەکەین.
هەموو یارییەک تایبەتە، ئەوە تەنیا پاڵەوانێتییەک نییە، ئێمە تاجی باشترین یانەی جیهانمان لەسەر دانرا،هیوادارم بۆ ماوەی چەند ساڵێكی زۆر لێرە بمێنمەوە و نازناوەكان ببەمەوە.
چاوەڕوان دەكرێت لە گەڕی داهاتووی لالیگا ریال مەدرید میوانداری سێڤییا بكات.
