یاریگا –
كارلۆ ئانچێلۆتی، راهێنەری ئیتاڵی یانەی ریال مەدریدی ئیسپانی باس لە بردنەوەی نازناوی جامی كیشوەرەكان دەكات.
شەوی رابردوو ریال مەدرید لە یاریگای لوسەیل لە دەوحەی پایتەختی قەتەڕ رووبەرووی پاچوكای مەكسیكی بووەوە و یارییەكەشی بە سێ گۆڵی بێ وەڵام لێبردەوە.
🏆 ¡CAMPEONES DE LA COPA INTERCONTINENTAL! 🏆#WorldCham9ions | #FIFAIntercontinentalCup pic.twitter.com/3i0AUgT6mI
— Real Madrid C.F. (@realmadrid) December 18, 2024
لە دوای یارییەكە كارلۆ ئانچێلۆتی گوتی:
ساڵێكی نایاب بوو، بەدرێژایی ساڵەكە رووبەرووی سەختی بووینەوە، لەگەڵ پێكانەكانی وەك كۆرتوا، میلیتاو و كارڤاخال، زۆر باش كۆتاییمان پێهێنا، ئەوەش زیاتر متمانەمان پێدەبەخشێت بۆ ئەوەی لە ساڵی 2025 لە بەدەستهێنانی ئەنجامە باشەكان بەردەوام بین.
بە ساتە قورسەكاندا تێدەپەڕین، هێشتا نەگەیشتووینەتە باشترین ئاستمان، قۆناخی سەختمان لەپێشە.
دەمەوێت راستگۆ بم، بردنەوەی نازناو لێرە لە هەر شوێنێكی دیكە ئاسانترە، تیمەكە باشترین یاریزانەكانی جیهانی هەیە و هاندەرانیش پشتگیریت دەكەن.
راهێنەرایەتیكردنی ریال مەدرید بۆ من شانازییەكی گەورەیە، ئەوە ئەو یانەیە كە هەموو راهێنەرانی جیهان دەیانەوێت راهێنەرایەتی بكەن، چونكە باشترین یانەی جیهانە.
چاوەڕوان دەكرێت لە گەڕی داهاتووی لالیگا ریال مەدرید میوانداری سێڤییا بكات.
