یاریگا –
ئەمڕۆ لە یاری كۆتایی جامی كیشوەرەكان ریال مەدریدی ئیسپانی رووبەرووی پاچوكای مەكسیكی دەبێتەوە.
وا بڕیارە ئەمڕۆ كاتژمێر 20:00 بە كاتی كوردستان ریال مەدرید و پاچوكا لە یاری كۆتایی جامی كیشوەرەكان لە یاریگای لوسەیل لە دەوحەی پایتەختی قەتەڕ رووبەرووی یەک ببنەوە.
پڕۆفایلی یاری
ریال مەدرید وەرزی 2024/25ی بە بەدەستهێنانی جامی سوپەری ئەوروپا دەستپێكرد، دوای ئەوەی لە یاریی كۆتاییدا توانیان لە ئاتاڵانتا ببەنەوە.
لەم وەرزەدا ریال مەدرید بە دۆخێكی باشدا تێناپەڕێت بە جۆرێك لە 17 یاری ئیسپانیا 11 یاریی بردووەتەوە و چوار یاریی یەكسان بووە و دوو یاریش دۆڕاوە، بە كۆكردنەوەی 37 خاڵ لە ریزبەندی سێیەم دێت.
بەڵام بە دۆخێكی باشەوە رووبەرووی پاچوكا دەبنەوە دوای ئەوەی شەوی رابردوو لە لایەن فیفاوە ڤینیسیۆس جونیۆر بە باشترین یاریزانی جیهان و كارلۆ ئانچێلۆتی بە باشترین راهێنەری جیهان دەستنیشانكران و خەڵاتی زە بێستیان بردەوە.
لە بەرامبەردا پاچوكا بۆ گەیشتن بە یاریی كۆتایی توانی بەربەستی هەریەك لە بۆتافۆگۆی بەڕازیلی و ئەهلی میسڕی تێبپەڕێنێت.
هەواڵی پێكانی یاریزانەكان
لە ریال مەدرید ئیدێر میلیتاو، دانی كارڤاخال، فێرلاند مێندی و دەیڤد ئالابا بێبەش دەبن.
لە بەرامبەردا پاچوكا بە تەواوی یاریزانەكانیەوە بۆ رووبەڕووبوونەوەی مەدرید ئامادەیە.
پێکهاتەی پێشبینیکراوی ریال مەدرید
كۆرتوا
ڤازكێز، چوامینی، رودیگەر، گارسیا
كاماڤینگا، ڤاڵڤێردی، بێڵینگهام
ئێمباپێ، رۆدریگۆ، ڤینیسیۆس
پێکهاتەی پێشبینیکراوی پاچوكا
مۆرێنۆ
گۆنزالێز، میكۆڵتا، كابراڵ، رۆدریگێز
پێدرازا، مۆنتیل
ئیدیرسی، باوتێستا، گۆنزالێز
رۆندۆن
