یاریگا –
لە مەراسیمێکی تایبەتدا لە وڵاتی مەغریب، باشترینەکانی کیشوەری ئەفریقا بۆ ساڵی 2024 راگەیەندرا.
لەسەر ئاستی پیاوان ئادێمۆلا لووکمانی نەیجری لە یانەی ئاتڵانتا توانی خەڵاتەکە بباتەوە.
When the stars align, they spell 𝐀𝐝𝐞𝐦𝐨𝐥𝐚 𝐋𝐨𝐨𝐤𝐦𝐚𝐧. 🌟
Ladies and gentlemen, your Men’s Player of the Year! 🏆#CAFAwards2024 pic.twitter.com/xtHxJozThj
— CAF_Online (@CAF_Online) December 16, 2024
هەڵبژاردنی لووکمان وەک باشترینی کیشوەری رەش، دوای ئەو ئاست و سەرکەوتنە ناوازەی هات کە لەگەڵ یانە ئیتاڵیەکەی هەیبوو. بەتایبەت لە بردنەوەی یۆرۆپالیگ و بەتایبەتتر کە خۆی وەک پیاوی یارییەکە هاتریکی لە بایەر لیڤەرکۆزنە سەرسوڕهێنەرەکەی چابی ئالۆنسۆ تۆمارکرد.
ئەو یاریزانە توانی خەڵاتی باشترین ئەفریقا لە رکابەرەکانی وەک سیمۆن ئادینگارای کۆتدیڤواری لە برایتن، شێرو گیراسی گینیای لە دۆرتمۆند، ئەشرەف حەکیمی مەغریبی لە پاریس سانجێرمان و رۆنوین ویڵیامزی ئەفریقای باشوور لە یانەی مامیلۆندی سەنداونز بباتەوە.
لەسەر ئاستی هەڵبژاردەش لووکمان توانی نەیجیریا بگەیەنێتە یاریی کۆتایی جامی نەتەوەکانی ئەفریقا، لەوێ بە هەڵبژاردەی کۆتدیڤوار دۆڕان.
