یاریگا –
لامین یامال ئامانجەکانی خۆی دیاریدەکات بەرلەوەی تەمەنی بگاتە 21 ساڵی بەدەستیان بخات.
یامال کە تازە تەمەنی 17 ساڵە، بووەتە هیوای هەڵبژاردەی ئیسپانیا و یانەی بارسێلۆنا و خودی یاریزانەکەش دەزانێت چی لە تواناکانیدا هەیە.
لە نوێترین لێدوانیدا بۆ رۆژنامەی توتۆسپۆرت، لاوە بەهرەمەندەکە وتی
پێش ئەوەی تەمەنم بگاتە 21 ساڵ… ئامانجم بردنەوەی جامی جیهانییە لەگەڵ ئیسپانیا، چامپیۆنزلیگێک و دوو نازناوی دیکەی لالیگا لەگەڵ بارسێلۆنا.
لامین کە خەڵاتی گۆڵدن بۆی ئەم ساڵی بردەوە، سەبارەت بە ئەگەری بردنەوەی باڵۆن دۆر وتی
ئەگەر چامپیۆنزلیگ لەگەڵ بارسا ببەمەوە، ئەوە هەلی بردنەوەی باڵۆن دۆریشم زیاتر دەبێت.
یامال تا ئێستا خاوەنی نازناوێکی خولی ئیسپانی 2022/23 لەگەڵ بارسا و، هەروەها جامی یۆرۆی 2024یشی لەگەڵ وڵاتەکەی بردەوە.
شەوی رابردوو ئەو لاوە ئیسپانییە لە یارییەکەیان بەرامبەر لیگانێس کە 0-1 تووشی شکست هاتن، دووچاری پێکان هات لە پاژنەی پێی و بەو هۆیەوە مانگێک لە یاریگاکان دادەبڕێت و سێ یاریی داهاتووی یانەکەی بەشداری ناکات.
