یاریگا –
شەوی رابردوو لە یارییەکانی گەڕی 17ـی لالیگا، بارسێلۆنا لە یاریگای مونجویک میوانداری لێگانێسی کرد و یارییەکە 1-0 بە گۆڵێکی سێرجیۆ گۆنزالێز بە بردنەوەی یانەی میوان کۆتایی هات.
جیا لە شکستە سەختەکەیان، یانە کاتالۆنییەکە گورزێکی کوشندەی بەرکەوت و لامین یامالی ئەستێرەی لاوی یانەکە لە خولەکی 75 بەهۆی پێکان یاریگای جێهێشت.
بەگوێرەی زانیارییەکانی رۆژنامەی موندۆ دیپۆرتیڤۆ، پێکانەکەی یامال لە پاژنەی پێی راستەیەتی، بەگوێرەی ئەو زانیارییانەی لە ژووری خۆگۆڕین دەستی رۆژنامە کاتالۆنییەکە کەوتووە، پێدەچێت پێکانەکەی یامال سەخت بێت.
هاوکات دوای یارییەکە لە گرتە ڤیدیۆیەک دەردەکەوێت لامین بە شەلە شەل یاریگا جێدەهێڵێت و ناتوانێت بەشێوەیەکی ئاسایی هەنگاو بنێت. بۆیە سەرجەم ئاماژەکان بۆ ئەوەن پێکانەکەی سوک نییە.
😱 IMAGEN #JUGONES: ¿COJEA LAMINE YAMAL?
La última hora de la promesa culé, YA en #ChiringuitoBarcelona. pic.twitter.com/lfYR92l1p5
— El Chiringuito TV (@elchiringuitotv) December 16, 2024
موندۆ ئاماژەی بەوەش کردووە، ئەمڕۆ پشکنینی پزیشکی بۆ یاریزانە تەمەن 17 ساڵانییەکە دەکرێت. ماوەی دوورکەوتنەوەی لە یاریکردن ئاشکرا دەکرێت.
بارسێلۆنا بە بارودۆخێکی خراپدا تێدەپەڕێت، لە دوایین شەش یاریی لالیگا تەنیا یەک یاریی بردووەتەوە، سێ یاریی دۆڕاندووە و دوو یارییش یەکسانبووە.
