یاریگا –
یاریزانێکی پێشووی مانچێستەر سیتی دوای 18 ساڵ لە وازهێنانی لە تۆپی پێ، پۆستی سەرۆکی وڵاتەکەی وەرگرت.
میخایل کاڤیلاشڤیلی، یاریزانی پێشووی هەڵبژاردەی جۆرجیا و یانە دیارەکانی وەک مانچێستەر سیتی (1995-1997) و زویرخی سویسری (1999-2002) دوێنێ شەممە لە هەڵبژاردنی سەرۆکایەتی وڵاتەکەیدا توانی وەک تاکە کاندیدێک بۆ پۆستەکە، سەرۆکایەتی بباتەوە.
ناوبراو کە لە پێگەی هێرشبەریی یاریدەکرد، بۆ هەڵبژاردەی تۆپی پێی وڵاتەکەی لە 46 بەشداریدا خاوەنی 9 گۆڵ بوو.
میخایل لە 2006 وازی لە یاریکردن هێنا. پاش 10 ساڵ لە رێگەی چوونە پەرلەمانی وڵاتەکەیەوە کایەی سیاسەتی تاقیکردەوە و لە حیزبی Georgian Dream درێژەی بە چالاکی سیاسی دا. لە ساڵی 2022یش جیابووەوە لەگەڵ هاوکارەکانیدا حیزبی People’s Powerیان دامەزراند و لە رێگەی ئەو حیزبەوە توانی بگاتە پۆستی سەرۆکایەتی وڵاتەکەی.
Former #ManCity striker Mikheil Kavelashvili has been appointed President of Georgia.
He played 29 games for City between 1996 and 1997! 🩵 pic.twitter.com/To2iqOc0hl
— City Chief (@City_Chief) December 14, 2024
دیارترین ئەو یاریزانانەی تۆپی پێ کە بوونەتە سەرۆکی وڵات، جۆرج وێیای لیبری و یاریزانی ناوداری پێشووی ئەیسی میلان بوو.
