یاریگا –
ئەیسی میلان نزیکە لە نوێکردنەوەی گرێبەستی ئەستێرەیەکی و هاوکات مووچەکەشی بەرزتردەکاتەوە.
سەرباری ناجێگیری ئەنجامەکانی رۆسۆنێری، بەڵام کریستیان پۆلیسیچ لەم وەرزە دەدرەوشێتەوە و ژمارەکانی بۆ ئەو یانەیە نایابن. هەر بۆیە چاویان لەوەیە بۆ ماوەیەکی زیاتر لە یانەکە بیهێڵنەوە.
بەگوێرەی زانیارییەکانی ماتی مۆرێتۆی ڕۆژنامەنووس، گرێبەستە نوێیەکە تا هاوینی 2028 پۆلیسیچ لە سانسێرۆ دەهێڵێتەوە و لەگەڵ بژاردەی ساڵێکی زیادەش.
ئەو رۆژنامەنووسیە زانیوشیەتی کە میلان مووچەی ساڵانەی ئەستێرە ئەمریکیەکە دەکاتە یەکێک لە باشترین مووچەکانی یانەکەی و ساڵانە 4 تا 4 ملیۆن یۆرۆی پوختی دەداتێ.
پۆلیسیچ کە لە هەردوو پێگەی باڵ و ناوەڕاستی هێرشبەریی یاریی دەکات، هاوینی 2023 بە بڕی 22 ملیۆن یۆرۆ لە چێڵسیەوە گواسترایەوە بۆ میلان. لەم وەرزە لە 14 بەشداریکردنی یارییەکانی سێریائەی توانیویەتی 5 گۆڵ تۆماربکات لەگەڵ 4 ئەسێست. لە چامپیۆنزلیگیش ئاستی خۆی پیشاندەدات و لە 5 یاریدا خاوەنی 3 گۆڵ و ئەسێستێکە.
