کاپتنی پێشووی یانەی ئەیاکس ئەمستەردام، سیێم دی یۆنگ داوا لە ماتیس دی لیخت دەکات بچێتە یانەی بارسیۆلۆنا
بە گۆڵێکی ئەو یاریزانە لاوە، یانەی یۆڤانتۆس ماڵئاوایی لە چامپیۆنزلیگ کرد و لە ئێستاشدا یانەکانی، بارسیۆلۆنا، بایەرن میونخ، مانجستەر سیتی و یۆڤانتۆس دەیانەوێت بیگوازنەوە
لە لێدوانێکی بۆ سایتی ئۆمنی سپۆرت، کاپتنی پێشووی یانەی ئەیاکس رایگەیاند
“ من زۆر چیرۆکم لە بارەی یانەکان بیستووە کە دەیانەوێت دی لیخت بۆ خۆیان بگوازنەوە و لەوەش تێدەگەم”
“ئەو کوڕێکی گەنجە و لە رووی فیزیکییەوە زۆر بەهێزە و سوودی بۆ یانەکەی دەبێت”
“من دڵنیا نیم لەوەی بۆ کوێ دەڕوا و بژاردەی زۆری هەیە، بەڵام ئەوەی لای من باشترینە بارسیۆلۆنایە”
پێشتریش راهێنەری ئەیاکس رایگەیاندبوو کە ئەو یاریزانە لاوەی یانەکەی بەجێدەهێڵێت
