رێکخەرانی کۆنسێرتەکانی سانتیاگۆ بێرنابیۆ سزا دەدرێن

یاریگا –

شارەوانی مەدرید بۆ رێکخەرانی کۆنسێرتی جۆراوجۆر لە یاریگای سانتیاگۆ بێرنابیۆ، بەهۆی ژاوەژاوی زۆرەوە، هونەرمەندەکانی بە بڕی دوو ملیۆن و 600 هەزار یۆرۆ سزا دا.

دوایین ئامارەکان کە سەبارەت بە سزاکان لە بێرنابیۆ بڵاوکراونەتەوە، کە کۆنسێرتەکان بەهۆیەوە راگیراون، لەو کاتەوەی یاریگای ریال مەدرید نۆژەن کراوەتەوە 11 سکاڵا بووە ، کە هاوتایە بە 801 هەزار یۆرۆ.

بەگوێرەی سەرچاوەیەک لە شارەوانی مەدرید بۆ ئاژانسی هەواڵی EFE، شارەوانی مەدرید 24 سکاڵای لە دژی رێکخەرانی ئاهەنگەکام تۆمار کردووە لەسەر بنەمای یاسای پاراستن لە ژاوەژاو و پیسبوونی ژینگە کە سزاکە لە نێوان 300 بۆ 600 هەزار یۆرۆ دەگرێتەوە.

هەمان سەرچاوە ئاماژە بەوە دەکەن کە سزا دەرچووەکان دەگاتە دوو ملیۆن و 600 هەزار یۆرۆ کە بڕە پارەیەکی زۆرە.

مانوێل کاراسکۆ، ئەو هونەرمەندەی لە 29ی حوزەیرانی رابردوو کۆنسێرتێکی لە یاریگای بێرنابیۆ کرد، رووبەڕووی سێ سزای بە بڕی 126، 144 و 129 هەزار یۆرۆ بووەتەوە، واتە کۆی گشتی 399 هەزار یۆرۆ، کە بەنیازە تانە لەم سزایانە بدات.

کاراسکۆ رایگەیاند، هەرچەندە رێزگرتن لە دانیشتوانی ناوچەکە لە پێشینەی کارەکانیدا بوو، بەڵام لە سەدان کۆنسێرتدا کە لە ماوەی ژیانی هونەریدا ئەنجامی داوە، هەرگیز بەهۆی ژاوەژاوی زۆرەوە سزا نەدراوە.

شارەوانی پایتەختی ئیسپانیاش جەخت لەوە دەکاتەوە کە “هەمیشە هەوڵی داوە پابەندی رێساکان بێت و داوا لە ریال مەدرید دەکات هەموو رێوشوێنێکی چاکسازی پێویست بۆ کەمکردنەوەی ئەو پشێویانەی بەهۆی کۆنسێرتەکانەوە دروست دەبن بگرێتەبەر.”