یاریگا –
فانتاسی پرێمەرلیگ ئۆفەرێكی نوێی بۆ راهێنەرانی یارییەكە زیادكرد و چاوەڕوان دەكرێت لە داهاتوویەكی نزیكدا ئۆفەرەكە چالاک بكرێت.
فانتاسی یاریەكی فەڕمی پرێمەرلیگە، دەبیتە راهێنەر پێكهاتەیەكی 15 یاریزانی درووست دەكەیت، 2 گۆڵپارێز، 5 بەرگریكار، 5 ناوەڕاستكار، 3 هێرشبەر، بەو 100 ملیۆنەی كە لە بەردەستتدایە، ناتوانیت لە 3 یاریزان زیاتری یانەیەک بهێنیتە پێكهاتەكەت.
یازدە یاریزانی سەرەكی دادەنێیت لەگەڵ چوار یاریزانی یەدەك ئەگەر یاریزانە سەرەكیەكان یارییان نەكرد ئەوا بە ڕیزبەندی یاریزانە یەدەكەكان دەچنە جێگایان.
كەمێک پێش ئێستا ماڵپەڕی فەرمی فانتاسی ئۆفەرێكی نوێی بۆ بەكارهێنەرانی یارییەكە زیادكرد.
No longer a mystery.
Introducing… the Assistant Manager chip. 👔
Available from #FPL Gameweek 24.
— Fantasy Premier League (@OfficialFPL) December 11, 2024
وردەكارییەكانی ئۆفەرە نوێیەكەی فانتاسی پرێمەرلیگ:
پێشتر لە فانتاسی پرێمەرلیگ تەنیا چوار ئۆفەر Wildcard, Free Hit, Triple Captian و Beench Boost بەردەست بوون. ئێستا ئۆفەرێكی دیكە بە ناویAssistant Manager یاریدەدەری راهێنەر زیاد بووە.
ماڵپەڕی فەرمی پرێمەرلیگ ئاشكرایكرد، ئۆفەرە نوێیەكە لە هەفتەی 24ی پرێمەرلیگ چالاک دەكرێت.
راهێنەرێک لەو 20 راهێنەرەی پرێمەرلیگ هەڵدەبژێریت بۆ ماوەی سێ هەفتە ئەو راهێنەرەی دیاریت کردوە ئەبێتە راهێنەری یاریدەدەری تیمەكەت.
هێنانی یاریدەدەری راهێنەر پێوویستی بە پارەیە و لەکاتی چالاككردنی کردنی ئەم ئۆفەرە بۆ هێنانی راهێنەر پێویستت بە پارە ئەبێت ونرخی راهێنەرەکان لەنێوان 0.5 ملیۆن و 1.5 ملیۆندایە.
پێوویستە لەسەر هەمان ئەو 100 ملیۆنەی لەبەردەستدایە یاریدەدەری راهێنەر بۆ پێكاهەتەكەت زیاد بكەیت.
ناتوانیت راهێنەری یانەیەک وەك یاریدەدەری راهێنەر دەستنیشان بكەیت كە سێ یاریزانی هەمان یانە لە پێكهاتەكەتدا هەبێت.
لە كاتی دەستنیشانكردنی یاریدەدەری راهێنەر ئەگەر ئەو راهێنەرەی هەڵتبژاردووە بردیەوە ئەوا شەش خاڵت بۆ زیاد دەبێت ئەگەر یەكسان بوو ئەوا سێ خاڵ و ئەگەر كلین شیت بكەن ئەوا دوو خاڵ و هەر گۆڵێك بیكەن خاڵێكت بۆ هەژمار دەكرێت.
ئەگەر ئەو یاریدەدەری راهێنەرەی بۆ تیمەكەت دەستنیشانی دەكەیت رووبەرووی تیمێك بووەوە كە لە ریزبەندی پرێمەرلیگ 5 پلە لە پێشەوە بوو ئەوا جگە لە خاڵە جێگیرەكان خاڵی بۆنس وەردەگرێت، بۆ بردنەوە 10 خاڵ و بۆ یەكسان بوون 5 خاڵ وەردەگرێت.
