یاریگا –
سبەی پشکنینی پزیشکی بۆ ئێمباپێ دەکرێت بۆ ئەوەی ماوەی دوورکەوتنەوەی دەستنیشان بکرێت.
رۆژنامەی مارکای ئیسپانی ئاشکرایکردووە، سبەی پێنجشەممە پشکنینی پزیشکی بۆ کیلیان ئێمباپێ دەکرێت بۆ ئەوەی راددەی ئەو پێکانەی دەستنیشان بکرێت کە لە یاریی بەرامبەر ئاتاڵانتای ئیتاڵی تووشی بوو.
ئێمباپێ لە نیوەی یەکەمی یاریی ئاتاڵانتا لە خولەکی 36 لە رانی چەپی تووشی کرژبوونی ماسوڵکەکانی بوو، نەیتوانی یارییەکە تەواو بکات.
کەناڵی Tyc Sport ئاشکرایکردووە، ئێمباپێ بۆ ماوەی هەفتەیەک لە یاریگاکان دادەبڕێت، هێرشبەرە فەڕەنسییەکە لە دوو یاریی داهاتووی ریال مەدرید بێبەش دەبێت، رۆژی شەممە لە یاریی بەرامبەر رایۆ ڤاییکانۆ لە لالیگا بێبەش دەبێت و چوارشەممە لە یاریی کۆتایی جامی کیشوەرەکانیش ئامادە نابێت کە لە یاریگای لوسەیل لە قەتەڕ دەکرێت.
