یاریگا –
بەشێوەیەکئ فەرمی هانزی فلیکی ئەڵمانی و راهێنەری بارسێۆنا بۆ دوو یاریی رادەگیرێت.
شەممەی رابردوو لە یارییەکانی گەڕی شازدەی لالیگا، بارسێلۆنا بووە میوانی ریال بێتیس، یارییەکە 2-2 کۆتایی هات و یانە کاتالۆنییەکە دوو خاڵی گرنگی لەدەستدا.
لە خولەکی 66ـی یارییەکە ناوبژیوان لە رێگەی ڤار لێدانێکی سزای بۆ ریال بێتیس هەژمارکرد، ئەو بڕیارەش راهێنەرە ئەڵمانییەکەی تووڕەکرد و رەخنەی توندی لە ناوبژیوانی یارییەکە گرت. بەو هۆیە راستەوخۆ بەکارتی سوور کرایەدەرەوە.
بەشێوەیەکی فەرمی لیژنەی تەمبێکاری لالیگا بڕیاریدا هانزی فلیک بۆ دوو یاریی رابگرێت و ناوبراو لە دوو یاریی داهاتووی یانەکە لە لالیگا بەرامبەر بە لێگانێس و ئاتلێتیکۆ مەدرید لەسەر هێڵی یاریگە لەگەڵ تیپەکەی نابێت.
🚨 ÚLTIMA HORA
🟥 ¡Dos partidos de sanción a Flick! pic.twitter.com/SP55VGp23O
— Diario AS (@diarioas) December 11, 2024
راهێنەرە تەمەن 59 ساڵانییەکەی بارسا بە درێژایی کاروانی راهێنەرایەتی یەکەمجاربوو کارتی سووری بەروودا بەرزبکرێتەوە.
یانە کاتالۆنییەکە لەم وەرزەی لالیگا لە 17 یاریی خاوەنی 12 بردنەوە و 2 یەکسانبوونە، 3 یارییشی دۆڕاندووە. بە کۆکردنەوەی 38 خاڵ و بە جیاوازی دوو خاڵ لەپێش ریال مەدرید پێشەنگی گرتووە، بەڵام یانە مەدریدییەکە یارییەکی کەمتر کردووە.
