فەرمی؛ یانەیەکی بەهێزی پرێمەرلیگ ئەستێرەیەکی ئینتەر مەیامی گواستەوە
یاریگا –
یانەی برایتنی ئینگلیزی جیا لە نەریتەکانی گواستنەوە، لە ئەمریکاوە یاریزانێکی گواستەوە بۆ پرێمەرلیگ کە بە بەهێزترین خولی ئەورووپا دادەنرێت.
ئەمشەو لە پێگەی فەرمی خۆیانەوە برایتن رایگەیاند کە لەگەڵ دیێگۆ گۆمێز لە یانەی ئینتەر مەیامی رێککەوتوون و ئەو ناوەڕاستکارە لە 1ی مانگی یانەیاری ساڵی 2025 دێتە یانەکەیان.
ئەگەرچی برایتن ناوەڕۆکی گرێبەستەکەی بە رانەگەیەندراوی هێشتووەتەوە، بەڵام فابریزۆ رۆمانۆ ئاشکرایکردووە کە چەند مانگێک بەر لە ئێستا رێککەوتن لەسەر بڕی گواستنەوەکەی کراوە و زانیویەتی کە 15 ملیۆن دۆلارە لەگەڵ گۆڕانکارییەکان.
We have agreed the signing of Diego Gomez, on undisclosed terms from MLS club Inter Miami. Diego joins on 1 January 2025, subject to the usual regulatory processes! 🤝
— Brighton & Hove Albion (@OfficialBHAFC) December 10, 2024
گۆمێزی پاراگوایی یەکێکە لە یاریزانە کاریگەرەکانی مەیامی و لە 22 یاریدا 3 گۆڵ و 4 ئەسێستی هەیە بۆ تیمەکەی لیۆنێل مێسی و هاوڕێکانی. بۆ هەڵبژاردەکەشی 8 یاریکردووە خاوەنی گۆڵێک و ئەسێستێکە.
برایتن بە یەکێک لە یانە سەرسەخت و قورسەکانی خولی ئینگلیزی دادەنرێت و دوای 15 هەفتەی یاریەکانی ئەو خولە، پلەی حەوتەمیان گرتووە.
