مانچێستەر یونایتد بڕیاریدا لە گواستنەوەی زستانە دەستبەرداری راشفۆرد بێت
یاریگا
مانچێستەر یونایتد بڕیاریدا لە بازاڕی گواستنەوەی زستانەی یاریزانان دەستبەرداری مارکۆس راشفۆرد بێت.
فلۆریان پلێتینبێرگ رۆژنامەنووسی ئەڵمانی و پەیامنێری کەناڵی سکای سپۆرتی بەریتانی ئاشکرایکردووە، مانچێستەر یونایتد بڕیاریداوە ئەگەر ئۆفەرێکی گونجاوی پێبگات، مارکۆس راشفۆرد دەفرۆشێت، بۆ ئەوەی بتوانێت لەکۆڵ مووچە زۆرەکەی هێرشبەرە ئینگلیزییەکە بێتەوە.
پلێتینبێرگ راشیگەیاندووە، مان یونایتد دەیەوێت بە بەڕێکردنی راشفۆرد خۆی لەگەڵ یاسای دارایی خاوێن بگونجێنێت، کە هێرشبەرە 27 ساڵانەکە تاوەکو هاوینی 2028 گرێبەستی لەگەڵ شەیتانە سوورەکان هەیە.
🚨🔴 Manchester United would sell Marcus #Rashford at the latest by the summer and would already be open to top offers in the winter. The club acknowledge his development under Ruben #Amorim but consider him definitely not unsellable.
One reason why a sale is being discussed:… pic.twitter.com/x8e5ALsQbL
— Florian Plettenberg (@Plettigoal) December 10, 2024
راشفۆرد لە لاوانی مان یونایتدەوە پێگەیشتووە و لەوەتەی ساڵی 2016 لە ریزی تیپی یەکەمی شەیتانە سوورەکان یاریی دەکات، لە 425 یاری بە درێسی یانەکە 138 گۆڵ و 67 ئەسیستی کردووە.
