هەواڵی دڵخۆشکەر لە سڵۆتەوە بۆ هاندەرانی لیڤەرپوول

یاریگا –

ئارنە سڵۆت، راهێنەری لیڤەرپوول ئامادەبوونی ئالیسن بەیکەری بۆ یارییەکەی ئەمشەوی یانەکەی مێرسیساید بەرامبەر جیڕۆنا لە چامپیۆنزلیگ راگەیاند.

گۆڵپارێزی بەڕازیلی بەهۆی پێکانی رانەوە، بۆ ماوەی دوو مانگ لە یارییکردن دابڕا و کوامین کێڵێهێر شوێنیگرتەوە. سڵۆت روونیکردەوە

زۆر دڵخۆشین بە گەڕانەوەی ئالیسن، چەندین ساڵە ئاستێکی زۆر سەرنجڕاکێش پێشکەش دەکات. ئاسان نییە شوێنی ئەو پڕبکرێتەوە. کۆوامین ئاستێکی زۆر باشی پێشکەشکرد و دەتوانین بڵێین، خاوەنی دوو گۆڵپارێزی زۆر باشین. هەروەک چۆن خاوەنی دوو یاریزانی باڵی زۆر باشین (لویس دیاز و کۆدی خاکپۆ).

لەلایەکی دیکەوە، دیۆگۆ جۆتا، دوێنێ دووشەممە مەشقەکانی لە کیرکبی دەستپێکرد، بەڵام تاوەکو ئێستا بە تەواوی ئامادەنییە.

فێدێریکۆ کیێزا بەهۆی نەخۆشی ئامادەنابێت و هەریەکە لە کۆنۆر بڕادلی، تایلەر مۆرتن، ئیبراهیما کۆناتێ و کۆستاتس سیمیکاس بەهۆی پێکان یاریی ناکەن. ئەلێکسیس ماک ئالیستەر بەهۆی کەڵەکەبوونی سێ کارتی زەرد، ناتوانێت بەشداری یارییەکە باکت.