یاریگا –
خۆرخێ ماس، سەرۆکی یانەی ئینتەر مەیامی ئەمریکی نیگەرانیی هاندەر و هەوادارانی لیۆنێل مێسی و یانەکەی رەواندەوە و دڵنیایی دا لە بەردەوامبوونی ئەفسانە ئەرجەنتینیەکە.
مێسی کە لە چەند رۆژی رابردوودا وەک باشترین یاریزانی خولی ئەمریکی دەستنیشانکرا، گومان لەسەر بەردەوامیی هەبوو لەگەڵ مەیامی. گومانەکان تا ئاستێک بوون تەنانەت باس لە وازهێنانی یەکجارەکیشی دەکرا.
لە نوێترین لێدوانیدا بۆ GiveMeSport، خۆرخێ وتی
من زۆر دڵنیام لەوەی لە ساڵی 2026 لیۆنێل مێسی یاریگا نوێیەکەمان دەکاتەوە. من لەدوای وەرزەکە دەمەوێت لەگەڵ ئەو دانیشم لەسەر چەند تەوەرێک قسەبکەین. گەشبینم بەوەی تا ئەوەندەی مێسی لە تەندروستیەکی باشدابێت، درێسی پەمەیی دەپۆشێت.
یاریگا نوێیەکەی مەیامی ناو مەیامی فریدەم پارک دەبێت و بەگوێرەی پلانەکانیان وا دیاریکراوە لە ساڵی 2026 تەواوبێت.
هێشتا هیچ شتێک لەلایەن کاپتنەکەی ئەرجەنتینەوە نەوتراوە سەبارەت بە زۆربوونی دەنگۆیەکان، بەڵام ناوی ئەو لە لیستی باشترینەکانی فیفافادا پاڵنەرێکی دیکەبوو کە لەم قۆناخەدا واز لە یاریکردن نەهێنێت.
