یاریگا –
رۆناڵدۆی دیاردە ستایشی ئاستی ئێستاڤاو گۆنچالڤێسی بەرازیلی و ناسراو بە مێسینیۆ دەکات.
بەهرەمەندە بەڕازیلییەکە بەفەرمی گرێبەستی لەگەڵ چێڵسی واژۆ کردووە، هاوینی داهاتوو بەبڕی 73 ملیۆن یۆرۆ یانە بەرازیییەکە جێدەهێڵێت و پەیوەندی بە بلوز دەکات. بەهۆی ئاستە بەرزەکەشی نازناوی مێسینیۆی لێنراوە.
ئێستاڤاو لە 21ـی ئۆکتۆبەر بووە یەکەم یاریزانی ژێر 17 ساڵ لە وەرزێکی خولی بەڕازیلیدا بەشداری 18 گۆڵ بکات. ریکۆردەکەی نێیمار دا سیلڤای ئەستێرەی پێشووی سانتۆسی شکاند، کە بەشداری 17 گۆڵی کردبوو.
رۆناڵدۆ نازاریۆی بەڕازیلی لە لێدوانێکی نوێی بۆ ماڵپەڕی گیڤ می سپۆرت، کە رۆژنامەنووس بێنج جەیکبس بڵاویکردووەتەوە، ستایشی مێسینیۆ دەکات و چاوەڕوانی داهاتوویەکی پرشنگداری لێدەکات.
یاریزانێکی لاو و خاوەن بەهرەیەکی زۆرە، بە جۆرێک لە لامین یامال دەچێت و بەمزووانە دەبێتە ئەستێرەیەکی گەورە. تەمەنی تەنیا 17 ساڵە، پێموابێت لەگەڵ پاڵمێراس بەشداریی جامی جیهانی یانەکان دەکات و پاشان پەیوەندی بە چێڵسی دەکات.
🚨🗣️ Spoke with Ronaldo Nazário on Estêvão Willian. “He’s a young player and very talented. He’s kind of like Lamine Yamal. He will soon be a very big star in football. He’s very promising, and at just 17. I think he’ll play for Palmeiras at the Club World Cup then join Chelsea.” pic.twitter.com/7EqATGcvIS
— Ben Jacobs (@JacobsBen) December 5, 2024
ئێستاڤاو لەم وەرزەی خولی بەڕازیلی بە درێسی پاڵمێراس بەشداریی 22 گۆڵی کرد، 13 گۆڵی کرد و 9 گۆڵی دروستکرد. بە کۆکردنەوەی 73 خاڵ لەدوای بۆتافۆگۆی پاڵەوان، پلەی دووەمی خولەکەیان بەدەستهێنا.
هاوکات ئەستێرە لاوەکە خەڵاتی باشترین یاریزانی لاو و باشترین هێرشبەری خولەکەی پێبەخشرا.
