یاریگا –
رەنگە مایکڵ ئانتۆنیۆ جارێکی دیکە نەتوانێت یاریی تۆپی پێ بکات.
شەممەی رابردوو مایکڵ ئانتۆنیۆی جامایکی و ئەستێرەی یانەی وێستهام یونایتد لە شاری ئێپینگ، بە ئۆتۆمبێلە فیرارییەکەی تووشی رووداوێکی هاتووچۆی سەخت بوو، بەهۆی سەختی برینەکەی بەخێرایی بە فڕۆکە بۆ نەخۆشخانە گواسترایەوە.
دوێنێ یەکشەممە، یانەی وێستهام یونایتد لە بەیاننامەیەکئ فەرمیدا بڵاویکردەوە، نەشتەرگری سەرکەوتوو بۆ شکاویی قاچی ئانتۆنیۆ کراوە، بۆ ماوەیەک لە نەخۆشخانە لەژێر چاودێریدا دەمێنێتەوە و دۆخی تەندروستی بەرەو باشبوون دەچێت.
𝐂𝐥𝐮𝐛 𝐒𝐭𝐚𝐭𝐞𝐦𝐞𝐧𝐭 – 𝐌𝐢𝐜𝐡𝐚𝐢𝐥 𝐀𝐧𝐭𝐨𝐧𝐢𝐨 𝐔𝐩𝐝𝐚𝐭𝐞
West Ham United can confirm Michail Antonio has undergone surgery on a lower limb fracture following a road traffic accident on Saturday afternoon.
Michail will continue to be monitored in hospital over… pic.twitter.com/vg7vQbjssU
— West Ham United (@WestHam) December 8, 2024
هاوکات رۆژنامەی گاردیان بڵاویکردووەتەوە، یاریزانە تەمەن 34 ساڵانییەکە لانی کەم بۆ ماوەی ساڵێک لە یاریکردن دادەبڕێت و ئەم وەرزە بۆی کۆتایی هاتووە. لە باشترین سیناریۆ ساڵێکی پێویست دەبێت تاوەکو بتوانێت یاریی بکاتەوە.
بەڵام هەمان سەرچاوە ئاماژەی بەوەش کردووە، رەنگە ئانتۆنیۆ جارێکی دیکە نەتوانێت یاریی تۆپی پێ بکاتەوە، هێشتا بەتەواوی روون نییە شکاویی قاچی تا چەند سەختە، بەڵام بەهۆی هەڵکشانی تەمەنی و سەختی پێکدادانەکە، ئەگەری هەیە کاروانی وەرزشی کۆتایی هاتبێت.
ئانتۆنیۆ لە هاوینی 2015 بەبڕی 9.50 ملیۆن یۆرۆ لە نۆتینگهامەوە پەیوەندی بە وێستهام کردووە، لە سەرجەم پاڵەوانێتییەکان 323 یاریی بۆ هامەرز کردووە، 83 گۆڵی کردووە و 41 گۆڵی دروستکردووە. نازناوێکی یۆرۆپالیگیشی بەدەستهێناوە.
