تیروپشکی وەرزی نوێی خولی پلە یەکی کوردستان راکێشرا

یاریگا –

تیروپشکی وەرزی نوێی خولی پلە یەکی کوردستان راکێشرا، کە خولەکە بە بەشداریی 15 یانە بەڕێوە دەچێت.

تیروپشکی وەرزی 2024/2025ـی خولی پلە یەکی کوردستان راکێشرا، کە رۆژی 15ـی ئەم مانگە خولەکە بە بەشداریی 15 یانە دەستپێدەکات و یانەی سلێمانی بڕیاریدا لە خولەکە بکشێتەوە و بەشداریی یارییەکانی وەرزی نوێی خولەکە نەکات.

لە گەڕی یەکەمی خولەکە، خاک و شۆڕجە لە یاریی دێربی کەرکووک بەیەک دەگەن، سۆران کە لە خولی نایاب دابەزیوە لە دەرەوەی یاریگای خۆی دەبێتە میوانی زانکۆی جیهان، دهۆکیش لە گەڕی یەکەم چاوەڕوان دەبێت.

دوو یانە لە خولی پلە یەک بۆ ریزی یانە نایابەکان سەردەکەون، جگە لە سلێمانی هێشتا یەکلانەبووەتەوە یانەیەک یان دوو یانەی دیکە دادەبەزن.

گەڕی یەکەمی وەرزی نوێی خولی پلە یەکی کوردستان

زانکۆی جیهان – سۆران

چەمچەماڵ – سێمێل

بازیان – کفری

قەڵادزێ – هەڵۆ

کۆیە – رواندز

خاک – شۆڕجە

بابان – تەناهی

دهۆک چاوەڕوانە