یاریگا –
ئێمباپێ بێدەنگی دەشکێنێت و لە دیمانەیەکی تەلەڤزیۆنی لەگەڵ کەناڵێکی فەڕەنسی کە سبەی شەو پەخش دەکرێت، پەردە لەسەر نهێنییەکان لادەبات.
کەناڵ پلەسی فەڕەنسی ڤیدیۆیەکی بڵاوکردووەتەوە تیایدا کیلیان ئێمباپێ هێرشبەری فەڕەنسی یانەی ریال مەدرید لە دیمانەیەکدا باسی دۆخی ئێستای خۆی دەکات، کە وابڕیارە سبەی یەکشەممە کاتژمێر 19:30 بە کاتی فەڕەنسا ئەو دیمانەیە پەخش بکرێت.
Dimanche 8 décembre, Kylian Mbappé sera l’invité de Mouloud Achour dans un numéro exceptionnel de Clique, diffusé en clair à 19h30 sur CANAL+ et disponible sur myCANAL. pic.twitter.com/lKzMma2nHZ
— CLIQUE (@cliquetv) December 6, 2024
ئێمباپێ لەو دیمانەیە کە چەند بڕگەیەکی بڵاوکراوەتەوە، دەڵێت :’کێشە ئەوەیە کاتێک ئەستێرەکان قسە ناکەن، خەڵکی دێن هەموو رۆژێک قسەت لەبارەوە دەکەن، بەڵام لە راستیدا من هیچ شتێکم بە کەس نەگوتووە، بۆیە بڕیارم دا ئەم دیمانەیە بکەم، بۆ ئەوەی لەم دۆخەی ئێستا پێیدا تێدەپەڕم خۆم قسە بکەم، لەم قۆناخەدا پێویستە خەڵکی لە زاری منەوە راستییەکان بزانن’.
ئێمباپێ هاوینی رابردوو لە پاریس سانجێرمانەوە روویکردە ریال مەدرید و لە نیو وەرز تاوەکو ئێستا هیڕسىەرە فەڕەنسییەکە نەیتوانیوە لەگەڵ یانە مەدریدییەکە ئاستی راستەقینەی خۆی پێشکەش بکات، لە دوایین سێ یاریی یانەکەی بەرامبەر لیڤەرپوول و ئاتلێتیک بلباو لێدانی سزیا فەوتاند.
